Om dette bandet kjem vidare til Kjempesjansen frå Nettsjansen vil dei framføre "slowly" som frontfiguren i bandet Tuva Sofie Andersen sjølv har skrive. Men allereie no kan du sjå "Nightmind" som Tuva og har skrive, den kan du sjå på
.Innom alt
Endå Tuva Sofie Andersen alltid har elska blues er det ikkje alltid det ho syng. Ho har vore innom dei fleste sjangrar, alt frå pop til country til funk.
- Til og med klassisk har eg vore innom.
Song er det Tuva likar aller best å halde på med, men det er ikkje få instrument ho har prøvd seg på.
- Eg byrja å spele piano då eg var lita, men utanom det har eg dei siste åra byrja å lære meg gitar og bass. Pedal-steel er og eit fantastisk instrument, så det varar nok ikkje lenge før eg går til innkjøp av det.
Pause
Oslojenta har sunge så lenge ho kan hugse, men det har vore ein periode i livet hennar ho ikkje har brukt songstemma. Då Tuva var 12 år fekk ho polyppar (svulstliknande utvekst i slimhinne) på stemmebandet, det gjorde til at ho måtte gjennom tre inngrep med laser.
- Stemma mi var HEILT borte i over tre månadar, det var forferdeleg frustrerande! Då stemma kom tilbake song eg som aldri før.
Kva vil du bruke pengane du vinn til?
- Plateinnspeling, og eventuelt utstyr og fleire instrument. Og ei god flaske med Chablis skal vi og ta oss råd til!
På gøy med Tuva:
Kva er det mest ”nerdete” ved deg?
- Eg kan nok litt for mykje unødvendig kunnskap om dei europeiske kongefamiliane og melodi grand prix.
Er det noko du er spesielt dyktig til?
- Eg kan hisse på meg måker, ved å høyres ut som dei.
Fobiar?
- Edderkoppar, slagar og panfløytemusikk!