Til hausten skal Stian Barsnes Simonsen leie det nye underhaldingsprogrammet «De ukjente» på NRK1 på laurdagskvelden.
I åtte program skal det unge programleiartalentet, som nyleg blei
av Riksmålsforbundets mediepris, utfordre kjente menneske til å teste menneskekunnskapar og daglegdagse fordommar om ulike yrkesgrupper.- Eg er audmjuk og stolt over å få leie haustens store laurdagssatsing, seier ein glad Barsnes Simonsen.
Underhalding om fordommar
I «De ukjente» skal to kjendislag gjette kva yrker eit utval menneske har. Mange av dei vil segle under falsk flagg, og deltakarane må gå langt for å syne kor overbeviste dei er om at dei gjettar riktig.
Programmet er inspirert av NRKs største sjåarsuksessar, mellom anna programmet Hodejegerne som blei leia av Tande-P.
- Vi har sett tilbake på NRKs beste konsept frå tidlegare, samla dei gode ideane, og gjort det veldig 2009. Hodejegerne er ein inspirasjon, men dette blir definitivt nytt og sprekt, seier prosjektleiar Stig Karlsen.
Han seier at underhaldingsprogrammet skal treffe heile familien.
- Det blir større spaning, større konsekvensar for deltakarane, og ikkje berre ein gjetteleik. Programmet handlar om korleis vi alle møter og førehandsdømmer andre menneske, noko alle kan kjenne seg att i.
- Fantastisk flink
Karlsen meiner Barsnes Simonsen er meir enn klar for å leie underhaldingsflaggskipet til NRK.
- Stian er ein fantastisk god programleiar, og har ei super formidlingsevne til både unge og vaksne. Dette er eit naturleg steg for han no, når ein ser på kvalitetane han har synt fram dei siste åra.
Og ambisjonane er heilt klart å vinne laurdagskvelden.
- Det er litt tidleg å seie kven konkurrentane blir, det får vi komme attende til. Men vi ønskjer å samle heile landet framfor skjermen, og har stor tru på suksess!, avsluttar Karlsen.