Den elles så fredelege Håøya i Vestfold er i desse dagar forvandla til Utøya og er full av filmfolk. Regissør Paul Greengrass og resten av filmcrewet er i gang med opptak til 22. juli-filmen, som er basert på Åsne Seierstad si bok «En av oss».
Tysdag var dei i gang med å gjenskape beredskapstroppen si båtferd til Utøya. Ein liten ribb er fullasta med skodespelarar utkledd som politi.
Filmen skal følgje tre historier. Den første handlar om dei overlevande etter åtaket og deira forsøk på å kome tilbake til det vanlege livet. Den andre historia handlar om Norges politiske leiarskap og korleis dei styrte landet gjennom krisa. Den siste historia tek for seg advokatane som følgde terroristen gjennom rettssaka.
Filmar at politiet stormar Utøya-huset
FILMINNSPELING: Her filmar dei scena der politiet stormar Utøya-huset.
Foto: John-André SamuelsenPå Håøya er det eit kvitt hus som er til forveksling likt hovudhuset på Utøya. Det har blitt skrevet Utøya på huset på Håøya. Tysdag spelte dei også inn ei scene der politiet sakte men sikkert nærmar seg Utøya-huset og til slutt stormar det.
Filmskaparane hadde to dagar med opptak på Håøya i Nøtterøy. Onsdag starta opptak på Malmøya i Larvik kommune, der dei skal vere i tre dagar å filme.
