I «Påskekrimlekene» har desse kjendisane konkurrert mot kvarandre i Markus Nebys absurde aktivitetar.
Den som gjorde det dårlegast, skulle gå ut av konkurransen på ein morbid måte. Dei blei nemleg drepne av ein ukjent mordar.
Det starta med ti kjendisar, no er det berre tre igjen. Kven får leve, og kven må døy? Og ikkje minst – kven er mordaren?!
No kjem svaret!
Natt til sjølvaste påskeaftan, hadde mordaren vore på ferde igjen.
Som vanleg blei kjendisen som gjorde det dårlegast i konkurransen dagen før, drepen.
Slik såg åstaden ut:
Det viste seg at det var Kåre Magnus Bergh som blei drepen. Spidda gjennom hovudet av ein skistav.
Han er den sjuande kjendisen som har døydd på høgfjellshotellet.
Arman Surizehi døydde av papirkutt forårsaka av billige spelkort.
Rikke Isaksen blei brent til døydde av høgfjellssola.
Anette Trettebergstuen døydde av tvangsfôring med påskegodteri
Henrik Asheim blei revkroka i hel.
Esben «Dansken» Selvig blei tvinga til å ligge i trekken og fraus i hel.
Mari Bella blei hakka i hel av påskekyllingar.
Kåre Magnus Bergh blei spidda gjennom hovudet av ein skistav.
Tre kjendisar kom til finalen. Ole Henry Snildalsli, Kristine Grændsen og Lena Kristin Ellingsen. Den neste og siste oppgåve var klar – finn ut kven som er mordaren.
Eit siste hint låg ved liket til Kåre Magnus. Denne gongen var det ein lapp.
Her kan du sjå alle åtte hint om kven mordaren er:
Episode 8: Ein lapp der det står: «Jeg er en klassiker»
Episode 7: Tala 0 og 2.
Episode 6: Ein lapp der det står: «Jeg har tre navn»
Episode 5: Ein lapp der det står: «Jeg er en forfatter»
Episode 4: Ein medalje
Episode 3: Ein lapp der det står: «Jeg er en okse og en tiger»
Episode 2: Ein opna flaske med sesamolje.
Episode 1: Ein lapp der det står: «Jeg elsker å bygge og renovere»
Alle attlevande kjendisane skulle gjette ein gong kvar, til ein gjetta riktig. Det var det Lena Kristin Ellingsen som gjorde, og vann fyrste utgåve av «Påskekrimlekene».
Mordaren reiste seg frå stolen, og avslørte sin identitet og kva hinta betydde.
Ole Henry Snidalsli og Kristine Grændsen måtte som eit resultat bli mordarens siste offer. Dei blei twista i hel på golvet.
Gjennom påsken har du hatt moglegheita til å gjette på kven mordaren er. No har vi trekt tre vinnarar av ein Påskekrimlekene-kopp! Gratulerer!
- Nila R. Helgeland
- Ketil Andre Laupsa
- Christian W. Granberg
Premien for å gjette riktig er ein «Påskekrimlekene»-kopp!
Foto: NRK
