Hopp til innhold

Obiora-saka til scenen

Politiet er skeptisk til at Nordic Black Theatre lagar teaterstykke basert på Obiora-saka.

Obiora-demonstrasjon

Obiora-saka har vekt sterke kjensle.

Foto: Kallestad, Gorm / SCANPIX

- Det vil være svært uheldig om dette blir eit politisk teater for å fremstille ei enkelt vinkling, seier Arne Johannesen, leiar i Politiets Fellesforbund.

Arne Johannessen i Politiforbundet.

Arne Johannessen i Politiforbundet.

Foto: Aas, Erlend / SCANPIX

 

På veg til Strasbourg

Sivilombodsmannen har sagt han vil sjå på Obiora-saka, og det blir også snakka om å ta saka til menneskerettsdomstolen i Strasbourg. Johannessen fryktar difor at ei skeiv framstilling kan få store konsekvensar.

Til NRK Kulturnytt påpeikar Arne Johannesen at saka har vært prega av at mange aktørar har hatt behov for å fortelje sin versjon, og at saka har hatt sterke politiske dimensjonar.

- I denne saka har vi i ein del samanhengar sett svært sterke ytringar og lite respekt for rettssystemet, seier han.

Ønsker debatt

Cliff Moustache i Black Nordic Theatre avviser at dei skal opptre som dommarar. Han håper at teaterstykket skal skape debatt.

- Det er viktig å spørje kva slags samfunn vi lever i og korfor denne episoden enda som den gjorde.

Moustache beskriver stykket som eit fiksjons-dokumentasjonsteater.

- Vi har allereie starta researcharbeid. No har vi ein dramatikar som reiser mellom Oslo og Trondheim for å snakke med dei som kjende Obiora.

Betent sak

Norsk-nigerianaren Eugene Obiora døydde i 2006 etter eit basketak med politiet i Trondheim. Saka har vore etterforska av mellom andre Spesialeininga for politisaker, men blei lagt bort i fjor grunna mangel på bevis.

Ifølgje nettstaden scenekunst.no har dramatikaren Ingeborg Eliassen arbeidd med manus sidan oktober, og teaterkompaniet leitar no etter ein etnisk nordmann som mellom anna skal spele politimann.

Det er ikkje første gong ei kriminalsak blir teaterstykke. Sogn og Fjordane teater laga eit stykke om kva som skjedde då 17 år gamle Arve Beheim Karlsen drukna i Sogndalselva i 1999, og saka mot Fredrik Fasting Torgersen har vore iscenesett fleire gonger.

 

NRK anbefaler

Kulturstrøm

  • Fransk filmikon død

    Den franske skuespilleren Anouk Aimée er død, melder AFP. Hun ble 92 år gammel. Ifølge datteren gikk hun bort i hjemmet sitt i Paris, omgitt av familie.

    Aimée er kjent for roller i flere nybølgefilmer, som Jacques Demys «Lola, piken fra kaiene» (1961) og Claude Lelouchs «En mann og en kvinne» (1966).

    Hun ble Oscar-nominert for hovedrollen i sistnevnte.

    Aimée spilte også i Frederico Fellinis «La Dolce Vita» (1969) og «8 1/2» (1963).

    På slutten av 60-tallet var hun også innom USA og spilte blant annet i Sidney Lumets «Stevnemøtet» og George Cukors «Justine».

    Så sent som i 2019 hadde hun hovedrollen i «Livets beste år» som ble vist på filmfestivalen i Cannes.

    Den franske skuespilleren Anouk Aime på premieren til «Pans labyrint» på filmfestivalen i Cannes i mai 2006. Hun er avbildet fra siden og smiler. Hun har langt mørkt hår, brune øyne og rødlig leppestift. I bakgrunnen kan man skimte orografer med kameraer.
    Foto: Valery HACHE / AFP / NTB