NRK har vunne saka mot skodespelar Gørild Mauseth i lagmannsretten.
- Les
- Les:
Etter at programmet Store Studio viste eit klipp frå filmen «Brent av frost» gjekk skodespelaren til sak mot NRK. I det mykje omdiskuterte klippet frå filmen ser vi Mauseth naken framanfrå der ho har sex i ein båt full av fisk.
- Les:
– For NRK er det eit viktig prinsipp at vi fritt kan sitere frå utgitte åndsverk, det vere seg bøker, filmar eller musikk, i journalistisk relevante samanhenger, seier kulturredaktør i NRK, Hege Duckert.
Ho meiner at det er NRK sjølv som bestemmer kva del av verket NRK vil sitere frå.
– Sitatretten er ein naudsynt føresetnad for ein fri og open samfunnsdebatt. Vi er glade for at lagmannsretten har lagt vekt på dette aspektet, seier Duckert.
- Les:
- Les:
Leiar i Norsk skuespillerforbund Agnete Haaland seier dette var ei trist avgjersle.
- Blir dommen ståande bør skodespelarar nekte å ta på seg oppgåver som kan føre til at bilete frå nakenscener i kunstnarisk samanheng blir misbrukt av andre, seier Haaland.
- Feil dom
Advokaten til Gørild Mauseth Eirik Djønne meiner dommen er feil.
- Eg er spesielt bekymra for at dommen uttrykker tvil om slike små snutter er verna. Det skapar i så fall problem både for utøvande kunstnarar og for NRK. Då kan andre produsentar og media forsyne seg fritt, seier Djønne.
Djønne har så langt ikkje vore i kontakt med Gørild Mauseth og seier det er for tidleg å avgjere om dei vil anke saka.
- Vi vil diskutere ein eventuell anke i neste veke, seier han.
NRK tapte saka i tingretten i fjor og anka til lagmannsretten. Ei og ei halv veke etter at saka gjekk i Borgarting lagmannsrett kom dommen. No må Mauseth må betale saksomkostningar.