NRK beklagar bildebruk i Brennpunkt-dokumentar

Bilde som blei brukte i Brennpunkt i førre veke, viser seg å vere tekne i ein annan samanheng. NRK beklagar måten desse blei brukt på.

Koffert med penger

Dette bildet av ein koffert full med pengar blei brukt i dokumentaren, og har fått mange til å reagere. Brennpunkt beklagar at dei ikkje var tydlegare på at dette var bilde nettverket la ut som skrytebilde.

I dokumentaren «Lykkelandet» viste Brennpunkt korleis bakmenn i eit stort rumensk nettverk tener millionar på prostitusjon, narkotika og vinningskriminalitet i Bergen. Dokumentaren vakte debatt etter visinga i førre veke.

Men no viser det seg at enkelte av bilda er fleire år gamle, og kan kome frå heilt andre stader i verda enn Bergen, skriv Bergens Tidende.

– Underleg

Ken Henry Nøkling var truleg ein av dei første som reagerte på bilda. Han søkte bilde etter at han hadde sett dokumentaren. Han seier til BT at det er underleg at ikkje andre journalistar har gjort dette før:

– Eg såg bilda av kofferten, og då eg blåste det opp, såg eg at det var mange euro. Det er jo berre å høgreklikke på bildet og sjå etter liknande bilde på Google. Då dukka det opp fleire eksempel.

Opplysningane førte til mange reaksjonar på sosiale medium. Fleire meinte dette skada dokumentaren:

Laster Twitter-innhold
Laster Twitter-innhold
Laster Twitter-innhold

I går kveld la Brennpunkt også ut eit svar på kritikken, der dei vedgår at dei burde ha sjekka opphavet til skrytebilda betre:

–Burde ha vore tydlegare

Redaktør i Brennpunkt, Odd Isungset, seier dei har brukt to år på å kartlegge eit rumensk kriminelt nettverk i Bergen. I arbeidet har dei blant anna gått gjennom store mengder med bilde og videoar som rumenarane sjølve har lagt ut på Facebook.

Odd Isungset

Redaktør i Brennpunkt, Odd Isungset, seier dei vil ha ein gjennomgang av dei andre bilda som er brukte i dokumentaren for å finne opphavet til desse.

Foto: Chris Aadland

– På dei fleste bilda i materialet er aktørane sjølve med, og skryt av kor mykje pengar dei tener på verksemda. Bilda folk har reagert på er skrytebilde der dei skriv at dette er kjøleskapet deira. Vi burda ha vore tydlegare på at dette er skrytebilde, seier Isungset.

Han skulle gjerne ha vore denne saka forutan, og vedgår at det kan vere med å skade truverdet til dokumentaren.

– Vi har fått ei ripe i lakken. Men hovuddokumentasjonen og konklusjonen står ved lag. Vi har vist at det står eit kriminelt nettverk, fordekt som tigging, i Bergen. Og eg ser også at mange på sosiale medium no skriv at dette er lite samanlikna med det som er avslørt.

Kulturstrøm

  • Microsoft kjøper spillgigant til 600 milliarder kroner

    Teknologigiganten Microsoft kjøper spillselskapet Activision Blizzard, opplyser de i en pressemelding.

    Prisen er på svimlende 69 milliarder dollar, som tilsvarer rundt 600 milliarder kroner.

    Activision Blizzard utvikler spill som Call of Duty, Guitar Hero, World of Warcraft og CandyCrush.

    Det siste året har spillselskapet mottatt anklager om seksuell trakassering og diskriminering av kvinnelige ansatte. I juli i fjor ble selskapet saksøkt i California.

    Ved oppkjøpet blir Microsoft den tredje største spillaktøren i verden, bak Sony og kinesiske Tencent.

    Microsoft står bak spillkonsollen Xbox, som sammen med Playstation, Nintendo og PC utgjør de store gaming-plattformene i verden.

    FILE PHOTO: Gamers play Call of Duty: Black Ops 4 at the Paris Games Week (PGW), a trade fair for video games in Paris
    Foto: BENOIT TESSIER / Reuters
  • Spider-Man tilbyr perfekt eskapisme

    Etter flere uker med utsettelser er kinofilmen «Spider-Man: No way home» endelig premiereklar fredag 21. januar.
    Filmen viser seg å være verdt ventetiden og oppfyller alle krav til storslått underholdning med både kløkt og snert, skriver Filmpolitiets filmkritiker Birger Vestmo som gir terningkast 5.

    Et bilde av figuren Spider-man fra filmen "Spider-Man: No way home"
    Foto: SF Studios
  • Kvinnekamp til Kairo bokmesse

    Marta Breen er den første norske forfattaren som er invitert til å delta i det offisielle programmet på bokmessa i Kairo. Anledninga er at teikneserieboka ho har laga saman med illustratør Jenny Jordahl, «Kvinner i kamp – 150 år med frihet, likhet, søsterskap», er omsett til arabisk.

    Bokmessa i Kairo (CIBF) er den største og eldste bokmessa i den arabiske verda. Den trekkjer hundrevis av forlag frå hele verda og har rundt 2 millioner årlege besøkjande. CIBF går av stabelen 27. januar til 7. februar.

    «Kvinner i kamp» er seld til 28 land.

    Boka Kvinner i kamp på arabisk og forfatteren Marta Breen
    Foto: Cappelen Damm