Vi skal få bli med ein ørneforskar og hente inn ørneungar utanfor Bergen, og så sende dei til Skottland kor dei skal bli sett fri. Solveig skal sjølv få plukke havørnungane ned frå reira, og følge dei over til det nye landet deira kor det nesten ikkje fins havørner.
Reir med fleire ungar
Det høyres kanskje litt stygt ut å stjele ørneungar. Men vi skal aldri ta alle ungane frå eit ørnereir. Viss det er to ungar der tek vi berre den eine, og viss det er eit einebarn lar vi den vere i fred. Den ungen du kan
fekk ingen bror eller syster, så han skal bli i Noreg. Men i eit par av naboreira håper vi å finne store nok familiar til at vi kan ta med ein.Dei som får bli med blir tatt godt hand om av fugleekspertar. Og naturen i Skottland er perfekt for havørner, så dei vil sikkert få det topp.
Havørnungane skal til Skottland
Skottland har kjempelyst å få havørna tilbake sidan den høyrer til i den flotte naturen der. Grunnen til at den døydde ut var forureining og at folk fekk lov å skyte den. Når dette endeleg vart ordna opp i var det allereie for seint. Men no kan vi hjelpe. I Noreg er det 3500 hekkande par havørner, mens i Skottland er det berre 45 (som har blitt sendt frå Norge tidlegare). Sidan vi har så mange hjelper vi fleire land med å få tilbake havørna.
Sjå kordan det går med dei reisande ørneungane på Newton til hausten.