Anmeldelse

Kunsten å dikte seg ei fortid

Den som vil finne ut av kva som er sant og kva som er dikta i «Minner om fremtiden» vil slite. Vi andre kan ha det ganske moro.

Siri Hustvedt, forfatter

Siri Hustvedt blandar røvarhistorier og kloke refleksjonar i romanen «Minner om fremtiden». Det held nesten heile vegen.

Foto: Marion Ettlinger / Aschehoug

Ein dag finn den 62 år gamle forfattaren S.H. att dagboka ho skreiv i 1978, då ho flytta frå ein småby i Minnesota til New York for å bli forfattar. Resten av boka vekslar mellom den ungdommelege og eventyrlystne forfattarspiren og den langt meir erfarne forfattaren av i dag.

Minner om fremtiden - Siri Hustvedt
Foto: Aschehoug Forlag

Den som kjenner litt til Siri Hustvedt, vil vite at ho sjølv har teke denne reisa frå Midtvesten til New York. Likevel gjeld hovudregelen for lesing av skjønnlitteratur: Du skal ikkje tru alt du les. S.H. minner oss stadig på at minnet er sterkt knytt til fantasien. Fortida er skjør.

For ein norsk lesar som har gått trøytt av den veldige iveren etter å finne ut kva som er sant og kva som er løgn (!) i romanar, er denne litt ertande innfallsvinkelen forfriskande. Her går forfattaren inn i sjølve minneprosessen og underminerer biografiske lesingar på ein elegant måte.

Å sluke Manhattan på lågbudsjett

Dagboka gir eit mangesidig og levande portrett av ein ung forfattarspire som er svolten på livet: på kunnskap, menn, venner, festar, bøker, byen, alt. På minimalt budsjett gyv ho laus på det store eventyret, som til tider er sterkt inspirert av verdslitteraturen: Liksom det ikkje går an å skilje minne frå fantasi her, går det heller ikkje an å skilje dagboka frå alle bøkene dagbokskrivaren har slukt.

Forbløffande er det då å lese utdrag frå boka den unge S.H. sjølv skriv på dette året. Rett nok er skrivearbeidet inspirert av ein figur med forlokkande initialar, nemleg Sherlock Holmes, men både intrigen og utviklinga av den er i sterk utakt med både den unge og den eldre S.H. som vi møter i «Minner om fremtiden». Dette er ikkje dikting, det er eit påfunn, som Siri Hustvedt har gjeve for mykje plass.

Skarp og leiken

Romanen er på sitt beste når den unge forfattaren jafsar i seg New York på 70-talet, gjerne saman med den urbant vidarekomne venninna Whitney. Draumen om at dei skal vere "grufulle og kalde kvinner i New York, arm i arm" fell rettnok i fisk, ettersom hovudpersonen -som ber tilnamnet «Minnesota» - er for snill og venleg til å leve opp til imaget.

Det er også interessant å vere med i den indirekte dialogen mellom den eldre og den yngre versjonen av S.H., sjølv om det er i overkant kokett av den eldre å kalle seg «klok, gammel ugle».

Hustvedt har blitt både skarpare og meir humoristisk i tonen med åra, og denne gongen tek ho det humoristiske eitt steg vidare mot det leikne og nesten flørtande. Det er vellykka nesten heile vegen.

Passar for deg som

  • greier å le og tenkje på same tid

Kulturstrøm

  • Ballettdansere vant talentpris

    Nasjonalballettens danser Lucas Lima og norske Gina Storm-Jensen er tildelt et av Norges største kulturstipender, Tom Wilhelmsens stiftelses opera- og ballettpris. I år er stipendet på kr. 800.000,- som deles mellom de to ballettdanserne. Juryen består av Ellen Kjellberg, Anne Gjevang og Ellen Horn, og prisen er den eneste opera-og ballettprisen i Norge, skriver Den Norske Opera og Ballett.

  • Symfonisk A-ha i Bodø

    Når a-ha i høst skal spille inn nytt album og musikkfilm, blir det med Arktisk Filharmoni som «band», melder orkesteret på sine nettsider. Prosjektet, med tittelen TRUE NORTH, er et samarbeid mellom a-ha, Bodø2024, Arktisk Filharmoni og Svømmehallen Scene og beskrives som en «melankolsk hyllest til havet og nordnorsk natur». I tillegg til albumet vil det også bli laget en musikkfilm med band og Arktisk Filharmoni på scenen, og a-ha gjennomfører produksjonen i Bodø.

  • St. Olavs Orden til Halvdan

    Hans Majestet Kongen har utnevnt visesanger og låtskriver Halvdan Sivertsen (71) til Kommandør av Den Kongelige Norske St. Olavs Orden, melder kongehuset i en pressemelding.

    – Halvdan Johannes Falck Sivertsen mottar utmerkelsen for hans fremragende innsats som visekunstner, heter det i meldingen.

    Den Kongelige Norske St. Olavs Orden tildeles som «belønning for utmerkede fortjenester for Norge og menneskeheten».

    Halvdan Sivertsen i skrivestua.
    Foto: Kåre Riibe Ramskjell / NRK