NRK Meny
Normal

Frir til veljarane med song

Fleire parti frir til veljarane med valkampsongar og musikkvideoar i den komande valkampen. Sist ute er Arbeiderpartiet.

Bøygard på Aps landsmøte 19. april 2009

Bøygard på Aps landsmøte 19. april 2009.

Foto: Ap

Med den countryinspirerte låta skal Arbeiderpartiet sanke stemmer til stortingsvalet til hausten. Songen er skrive av gruppa Bøygard, som sjølv tok initiativet til valkampsong for partiet.

Partia vil kapre stemmer

Valkampleiar i Arbeiderpartiet Snorre Wikstrøm, meiner "Alle skal med" formidlar verdiane Ap står for.

- Vi trur denne songen vil nå ut både gjennom speling på radio og på våre valkamparrangement rundt i landet. Vi håpar den tiltrekker veljarar som likar musikk, seier valkampleiaren.

Stephen Ackles syng på Frp-video

Stephen Ackles syng på valkampvideoen til Frp.

Foto: Frp

Fleire norske politiske parti brukar i år song og musikk aktivt for å kapre veljarar.

Framstegspartiet har lansert songen "Fremtiden i dag " og planlegg ein heil cd med kampsongar før valet, seier generalsekretær Geir Mo.

- Musikk er ein fin måte å kommunisere på, seier Mo.

Venstre lyste ut ein konkurranse om å skrive den beste venstrelåta. Songen "En annen tid" fekk æra av å kapre veljarar for partiet.

I musikkvideoane til Sosialistisk venstreparti på internett er det Kristin Halvorsen som er popstjerne .

Innholdet som skulle vises her støttes dessverre ikke lenger.

Blir ikkje lista på Petre

Rapgruppa Gatas Parlament er kjent for å skrive politiske tekstar og har laga ein eigen parodi på Frp-songen.

Samfunnsredaktør i NRK Kyrre Nakkim meiner Frp og Ap heilt klart får fram bodskapet i sin eigen politikk. Men han trur ikkje nokon går og stemmer Ap fordi dei likar songen deira.

Mats Borch Bugge

Musikksjef Mats Borch Bugge i Petre lovar lyttarane at dei ikkje får høyre valkampsongane på radioen.

Foto: P3

- Eg trur desse songane fungerar meir slik som songar ein har på fotballbana. Det er med på å skape samhørigheit blant dei som allereie har ein identitet til partiet.

Og sjølv om partia gjerne skulle spelt låtane på radio, tyder mykje på at det kan bli vanskeleg.

- Eg kan love at vi ikkje kjem til å liste nokon av desse låtane på Petre, seier musikksjef Mats Borch Bugge.

Kva synest du om valkampsongane?