Kritikken kjem frå både politikarar og kommersielle konkurrentar, til dømes Rupert Murdoch’s News Corp., som fryktar at BBC si satsing vil kvele dei kommersielle medieselskapa. Den britiske rikskringkastaren har brukt mykje pengar på utvikling av tilbodet i desse økonomisk vanskelege tidene, der dei kommersielle aktørane slit med å klare seg.
– Dei to digitale radiokanalane BBC Asian Network og BBC 6 Music vil verte lagt ned frå neste år, som ein del av gjennomgang av BBC sitt budsjett og tilbod, seier generaldirektør i BBC Mark Thompson.
- HØYR RADIOINNLAG OM BBC SINE FORSLAG:
Positiv respons
Generaldirektør i BBC, Mark Thompson, kunngjorde kutta for pressa 2. mars.
Foto: Ben Stansall / Scanpix/AFPI tillegg til å kutte radiokanalane føreslår generaldirektør i BBC, Mark Thompson å halvere talet på seksjonar på nettsidene, og innan 2013 skal dei bruke 25 prosent mindre på nettstaden per år. Samla skal kutta skal frigje 600 millionar pund, som BBC vil bruke på program-utvikling.
Planane skal no vurderast av BBC Trust som overvakar aktivitetane til kringkastaren, og skal deretter ut på høyring.
– Publikum betaler for BBC, og det er difor viktig at vi alltid utviklar oss slik at vi kan møte deira forventingar, uttaler Michael Lyons, leiar for BBC Trust.
– Denne strategiske gjennomgangen er del av den prosessen, seier Lyons.
Medieminister i Storbritannia, Ben Bradshaw, er glad over utspelet frå BBC. Han har tidlegare argumentert for at det var på tide å tøyle BBC sin utgifter.
Nærmar seg val
BBC får i likskap med NRK i Noreg inntektene sine frå tv-lisensen, som vert betalt av alle som eig ein tv. Totalt er det snakk om 3,6 milliardar pund i året. BBC vert med jamne mellomrom skulda for dette gjev dei ein urettferdig dominans over dei kommersielle konkurrentane.
Det konservative partiet har tradisjonelt vore meir negativt innstilt til BBC enn Labour, som no sit i regjering. Dersom dei konservative skulle vinne parlamentsvalet i juni, noko som ikkje er utenkjeleg, er det venta at dei vil kome til å fryse lisensen på dagens nivå.
Den strategiske gjennomgangen BBC no lanserer vert difor oppfatta som eit forsøk å syne ei eventuell konservativ regjering, at rikskringkastaren kan tilpasse seg.
