ARNE JOHANNESSEN SIN CV
Arne Johannessen er født 29.april 1958 i Øystese i Hardanger. Han er son av Erna og Harald Johannessen, og bror til Jon Henning og Marit.
Arne Johannessen droppa vidaregåande, men jobba i staden på møbelfabrikk og smelteverk før han gjekk på Folkehøgskule på Ringebu, der han møtte kona Jane. Etter det blei det fyrst befalsskule, deretter to år, som befal, i militærpolitiet i Bardufoss.
Politimann
Etter politiskule, frå 1980 – 82, blei Johannessen lensmannsbetjent i Luster fram til i 1988. Så venta jobben som forbundssekretær i Lensmannsetatens Landslag, før han blei forbundsleiar der i 1990.
Organisasjonsmann
I 1997 vart Johannessen forbundsnestleiar i det nye politiforbundet Politiets Fellesforbund.
I - 98 – 2000 var han lensmann i Sogndal, før han vart leiar i Politiets Fellesforbund i 2000.
Arne Johannessen har vore aktiv i politikken i Luster, er forhandlingsleiar for Unio stat sine medlemmer, han er nestleiar i Nordisk politiforbund og er styreleiar iActis. Sit og i styret i Luster sparebank
Målmann
Han har fått ”Målprisen 2005” frå Luster Mållag, og i 2007 fekk han målprisen frå Noregs Mållag. Han vart og kåra til beste debattant i 2008.
Idrettsmann
Arne Johannessen er ein aktiv mann. Han er aktiv med trening og friluftsliv, både sommar og vinter. Han engasjerer seg og i organisasjonsliv og politikk.
Familiemann
Arne Johannessen er pappa til tre og bestefar til to – snart tre. Han bur saman med kona Jane i Luster i Sogn og Fjordane. Johannessen er vekependlar til Oslo.