Snart fire døgn har gått sidan politiet blei kalla ut til asylmottaket i Sunndal og fann ei 17 år gamal jenta knivstikket i magen. Jenta døde seinare av skadane. Ved mottaket har landsmenn frå Eritrea sørga, men familien til jenta er framleis ikkje informert om tragedien.
– Vi veit foreløpig ikkje om vi har fått varsla dei som skal varslast, noko som er svært viktig for oss i ei slik sak, seier politimeister Arnstein Nilssen.
Han fortel vidare at det er viktig for politiet at namnet til den drepne 17-åringen ikkje skal bli kjent gjennom pressa.
– Vi vil difor ikkje offentleggjere namnet på den døde før vi veit at vi har varsla familien, seier Nilsen.
- Les også:
Kan ha funne drapsvåpenet
I helga fann politiet kniven som kan ha vore våpenet den 18 år gamle antekne gjerningsmannen skal ha brukt.
Politimeister i Nordmøre og Romsdal, Arnstein Nilssen seier at dei ikkje kjenner motivet.
Foto: Gunnar Sandvik / NRK18-åringen er foreløpig siktet for grov kroppsskade med døden til følge. Han stakk frå åstaden, men vart arrestert utan dramatikk kort tid etter. Han og den avdøde 17-åringen skal ha vore kjærastar.
Mannen kom på besøk frå Stavanger kort tid før drapet, og funnet av drapsvåpenet kan vere med på å seie noko om kvar kniven kom frå, og dermed om handlinga var planlagt eller ikkje.
– Kniven er sendt til Kripos for nærare undersøkingar, seier Nilsen.
– Er de nærare å få eit bilete av kva som har skjedd?
– Ja, vi har for så vidt danna oss eit bilete av det som har skjedd, men det er ein del av ei pågåande etterforsking, så det vil vi halde for oss sjølv enn så lenge, seier Nilsen.
- Les også:
- Les også:
Sjå tv-saka:
