Den norske filmen Upperdog er ein av fem filmar som kjempar om Nordisk Råds Filmpris 2010.
– Det er kjempekoseleg og veldig hyggjeleg. Eg vart veldig glad, seier regissør Sara Johnsen.
Dei nominerte filmane vart i dag offentleggjort under filmfestivalen i Haugesund:
- Submarino, Danmark (regi: Thomas Vinterberg)
- Miesten Vuoro, Finland (regi: Joonas Berghäll & Mika Hotakainen)
- The Good Heart, Island (regi: Dagur Kári)
- Upperdog, Noreg (regi: Sara Johnsen)
- Metropia, Sverige (regi: Tarik Saleh)
I fjor var det
, i konkurranse med blant .Jurymedlemmane Le LD Nguyen og Øyvor Dalan Vik fortel at dei var svært samstemde i valet av Upperdog.
Fleire utmerkingar
Upperdog fekk svært gode kritikkar i Noreg, og vann heile fem Amanda-prisar under filmfestivalen i Haugesund. No kan altså regissør og manusforfattar Sara Johnsen, og produsentane Christian Fredrik Martin og Asle Vatn vinne nok ein pris for filmen.
Sara Johnsen har enno ikkje sett nokon av dei andre nominerte filmane.
– Eg skulle gjerne ha sett dei. Men kanskje det er like greitt å ikkje gjere det, så veit eg ikkje kor hard konkurransen vert.
- LES FILMANMELDELSE:
Ingen norsk vinnar enno
Nordisk Råds Filmpris vart første gong delt ut i 2002, og har sidan 2005 vorte delt ut kvart år. Enn så lenge har ingen norsk film vunne prisen, medan prisen har gått til Danmark heile tre gonger.
– Denne prisen tyder meir internasjonal merksemd, det er ein høgthengjande pris. Dersom ein skulle vinne vil det tyde svært mykje, seier Johnsen.
Ein jury i kvart av dei nordiske landa, Noreg, Sverige, Danmark, Finland og Island nominerer ein film kvar. Deretter er det opp til ein felles nordisk jury å kåre ein vinnar blant dei fem nominerte. Prisen er på 350.000 danske kroner, og vert delt mellom regissør, manusforfattar og produsent.
Vinnaren vert offentleggjort 20. oktober, medan prisutdelinga vert 3. november i Reykjavik.
- LES ÒG:
- LES ÒG:
- Kven synest du fortener å få Nordisk Råds Filmpris?