Om Hard Bargain Band kjem vidare frå Nettsjansen til kjempesjansen vil dei synge "Outside my door", som er laga av frontfiguren sjølv, Rune Ellertsen. Allereie no kan du sjekke ut
.Norgesturne
Den store toppen for bandet var då dei vant ”Union blues cup” under Notodden bluesfestival i august i fjor.
- Hovudgevinsten var støtte frå norsk kulturråd. Vi fekk altså ein omfattande turnè rundt i landet, fortel Rune.
Og 60 konsertar har det blitt over heile landet.
- Det blir meir enn ein jobb i veka no utover hausten, fortel 22 -åringen.
Merkeleg namn
- Det var det første året vi spelte, vi skulle spele på Dalane bluesfestival. Han som booka oss sa at vi trengte eit namn, det hadde vi ikkje, så det var faktisk han som fant på namnet vårt.
Og slik blei det til at bandet fekk namnet sitt.
- I Danmark har dei Hard Bargain Bluesband, i USA er det nokon som heiter Hard Bargain.
Dette visste ikkje bandet om då namnet blei til. No er bandet så godt etablerte med det namnet at det nok ikkje er vits i å skifte det, fortel gutane.
- Vi ser ut til å vere eit band med hovudet over vatnet, og vi syns namnet lyd godt, endå det er litt vanskeleg å uttale.
Kva vil dei bruke pengane til?
- Dei skal brukast anten i form av ei plate, eller ei reise ut av Norge.
På gøy med Hard Bargain Band:
Kva er det mest ”nerdete” ved deg?
Rune: - Det er nok det at eg er enormt vimsete og gal etter fly, ein kan kalle meg ”radiostyrt”.
Er det noko du er spesielt dyktig til?
Rune: - Tromming på magen er noko eg øver mykje på.