Dei er kritiske til at TV-teamet tek kontakt med adoptivfamiliar som ikkje sjølv har bede om å bli med i programmet Tore på sporet, og no har 21 familiar skrive eit brev til programleiaren.
- Vi reagerer på etikken, i Noreg er adopsjonsprosessen lukka. Det er barnet som har retten til si historie, ikkje adoptivforeldra eller dei biologiske foreldra. Men her hjelper Strømøy den biologiske familien, seier Marthe Bowitz-Knudsen.
Marthe Bowitz-Knudsen ventar sitt første barn om to veker, ein gut som snart kjem til Noreg. Ho er ein av dei som står bak brevet til Tore Strømøy.
- Høyr debatten mellom Bowitz-Knudsen og Strømøy:
Mora leitte etter sonen
I Noreg har adoptivbarn rett til å få informasjon om sine biologiske foreldre når dei vert myndige, slik at dei kan kontakte sitt biologiske opphav dersom dei ynskjer det. Men biologiske foreldre har ingen rett til å oppsøkje barn dei har adoptert vekk.
I programmet som vart sendt i går hjelpte Tore Strømøy koreanske Hyang Sook-Kang med å finne sonen, som vart vekkadoptert til Noreg då han var fem år. Etter at foreldra skilde seg var planen at sonen skulle bu hjå faren til mora hadde pengar til å forsørgje guten. Men faren og bestemora adopterte guten vekk utan at Hyang Sook-Kang visste det.
- SJÅ PROGRAMMET HER:
I programmet som vart sendt 25. oktober hjelpte Tore Strømøy koreanske Hyang Sook-Kang til å finne sin vekkadopterte son.
Foto: NRKKontakta adoptivforeldra, ikkje sonen
Tore Strømøy presiserer at han kontakta adoptivforeldra, og ikkje kontakta adoptivsonen direkte. Programleiaren har også tidlegare fått kritikk for programmet Tore på sporet.
- LES ÒG:
- LES ÒG:
- LES ÒG:
Han seier at det var eit vanskeleg val å fortelje denne historia, men at dei har teke alle omsyn.
- Ein må alltid vurdere historia, men då eg høyrde denne historia var eg ikkje i tvil om at eg ville prøve å hjelpe ho, seier Strømøy.
Ifølgje Tore Strømøy har adoptivfamilien opplevd denne hendinga som noko positivt.
- Lagar underhaldning av adopsjon
Marthe Bowitz-Knudsen reagerer på at statskanalen NRK lagar underhaldning av dette. Ho seier at ho ikkje har noko imot at adoptivbarn skal få finne dei biologiske foreldra sine, men ho meiner at det må vere på barna sine premiss.
- Tore Strømøy lagar underhaldning, eg trur ikkje han gjer dette av altruistiske grunnar, seier Bowitz-Knudsen.
Men at Tore på sporet er eit undehaldningsprogram er ikkje Tore Strømøy samd i.
- Ein kan kanskje kalle det underhaldning, men eg kallar det ikkje det. Det er eit dokumentarprogram som fortel ulike historier frå livet, seier Strømøy.
