Tony Curtis med familien. Mor Janet Leigh held Kelly (2) og far sjølv held ei nyfødd Jamie Lee.
Foto: APCurtis døydde seint onsdag kveld i Los Angeles. Det stadfestar dottra Jamie Lee Curtis til amerikanske media, ifølgje nyheitsbyrået AFP.
Curtis fekk namnet Bernard Schwartz då han vart fødd i New York 3. juni i 1925.
Spelte med Monroe
Han bytta namnet til Tony Curtis då han starta filmkarriera si i 1949, etter å ha kalt seg James Curtis og Anthony Curtis i sine år som teaterskodespelar.
Etter si rolle som Joe i «Some Like It Hot», der han spelte mot Marylin Monroe, vart han kjend i Hollywood-miljøet som ein kjekkas, ifølgje ABC News.
Han var gift til saman seks gonger, sist med Jill Curtis. Tidlegare var han gift med Janet Leigh, som han spelte inn fleire filmar saman med.
Han var far til skodespelaren Jamie Lee Curtis, kjend frå mellom anna «Halloween» og etterlet seg også to andre born og to adoptivsøner. I tillegg var han far til ein son som døydde av overdose i 1994.
«Gullgutt» på NRK
Curtis spelte i meir enn 100 filmar og i fleire TV-seriar.
For si rolle i filmen «The Defiant Ones» frå 1958 vart han Oscar-nominert.
I Noreg var han kjend for rolla som Danny Wilde i «Gullguttene» (The Persuaders), der han spelte saman med Roger Moore. Serien vart vist på NRK frå oktober 1971 og i eitt år framover.
Serien gjekk også i reprise i 1985.
VIDEO: Sjå høgdepunkt frå karriera til Tony Curtis.
