- Mu niehku lea duohtan šaddan, lohka 24 jahkkasaš Jeanette Aslaksen, gii lea Karašjogas eret. Son lei 9 jagi boaris go fuomaši ahte son lihko divttaid čállit. Joatkaskuvllas lei sámegieloahppaheaddji gii evttohi su čállit divttaid ja dalle álggi juo čohket divttaid iežas diktagirjái "Mu klišea".
Čearggusis vuordináigi
Son muitala ahte dát lea peršuvnnalaš diktagirji, muhto divttat muitalit maiddai muitalusa ovtta olbmo birra. Jeanette lea gal veaháš ballan dan áiggi go lea vuordan girjji ilbmat, muhto guhttajagi vuordináigi láddađii su dasa.
Siskkimuš jurdagat
Váikko son iežas siskimušdovdduin muitala de lea maiddai čállan vásahusaid earaid birra. Divttaid lea čállon golmma gilli, sihke sáme-, dáro- ja eŋgalasgilli. Nuorravuođa eallimis leat ge seamma vasahusat maid buohkat vasihit ja son doaivu ahte nuorat dovdet iežaset dan girjji bokte.
Mu klišea
Diktagirjji namma lea "Mu klišea". Jeanette Aslaksen muitala dán nama bidjan danne go son čállá áššiin mat ovdalis leat dovddusis áššit, muitaluvvon áššit. Klišea vuolgá dárogiel sánis klisjè.
Eanet girjjit boahtteáiggis
Sus lea maiddai hállu almmuhit eanet girjjiid boahtteáiggis. Sus leat juo gárvves mánusat, go son alohii čalla iežas jurdagiid ja daid maid son ain fuomaša.