Står på rekke og rad for å ta opp kampen med «Trollpikken»

Sommaren 2017 ser ut til å bli ein sommar i fallosen sitt teikn. På ei dryg veke klarte ein spesiell steinformasjonen i Egersund å setja eit fast inntrykk på det norske turistkartet.

Bakgrunn: Håper denne kan stå opp mot Kjerag og Trolltunga

Frå «Trollpikken» vart rikskjendis 20. juni, gjekk det kort tid før både lokalt reiseliv og den lokale sjokoladefabrikken såg uforløyst potensial i den veldreidde formasjonen. Skuffinga var difor enorm då eit turfølgje i helga oppdaga at Trollpikken i Dalane var knekt rett av ved rota.

Les også: – Hærverket har gagna Trollpikken

Finnmarking: – Imponerer ikkje oss

Medan omtala har gått i taket og pengane har trilla inn for å få gjenreist steinlemen, har andre nytta høve til å peika ut erstattarar i sine distrikt. I staden for å gå i gløymeboka, har den avkappa fallosen i stein fått hard kamp frå andre deler av landet.

– Finnmarkingane har den største pikken, konkluderte fotograf Bernt Nilsen frå Kirkenes, då han la ut fleire bilete av den svulmande steinformasjonen på Reinøya i Sør-Varanger kommune i helga.

Men konkurrenten i Sør-Varanger kommune er ikkje så lett å finna, erkjenner fotografen.

– Han er ikkje så kjent, og ein må ta båt for å sjå han. Men det er mogleg å leggja til rette for at også han kan bli ein turistattraksjon, uttalte Nilsen til NRK.

Vil supplera Trolltunga med ein ny kroppsdel

Hordaland har allereie turistmagneten Trolltunga i si samling over trolske kroppsdelar. Difor er det naturleg at nabofylket steppar inn, dersom det viser seg at Trollpikken i Rogaland ikkje vaknar til live.

– Han står skikkeleg, denne her.

I helga la Jostein Waage frå Bømlo ut bilete av det han meiner fortener meir heider og ære. Det var avisa Sunnhordland som først omtalte innlegget.

– Han er lettare å nå enn Trolltunga. Ein treng ikkje noko redningsaksjon der, med mindre folk går seg aldeles fast etter å ha sett steinen, seier Waage om formasjonen i Brandasundet.

Har du namneforslag til steinen i Bømlo? Bruk kommentarfeltet nedst i saka!

Waage knipsa nokre bilete av steinen ved juletider.

Innholdet som skulle vises her støttes dessverre ikke lenger.

Sidan har ikkje Waage tenkt så mykje over han, før han las om Trollpikken i Eigersund.

– Denne er lengre og fastare.

Reiselivsansvarleg er klar

– Han er som Waage seier: litt strammare og finare, men altså ... ja, seier Linn Therese Vinje i Visit Sunnhordland.

Reiselivsansvarleg meiner steinfasongen i Brandasundet kan vera ein interessant tilvekst til regionen.

– Det krevst litt marknadsføring, men no har allereie Rogalands-regionen starta noko, så då er det lettare å hiva seg på. Det er også ein god måte å spreia turisttrafikken til større attraksjonar på.