NRK Vestland

To ekstra kraftverk i det allereie utbygde Samnangervassdraget nord for Tysse vil gi kommunane Samnanger og Kvam til saman 7 millionar kroner i ekstra inntekter kvart år, ifølge Eviny.

– Utbygginga i Kvitingsvatnet og Svartavatnet skal gi betre forhold for fisken og miljøet, seier Sondre Fossheim, forvaltar for annleggsutvikling i Eviny.

Sjølv om pumpekraftverket vil føre til at Svartavatnet vil bli tømt oftare og raskare.

Eviny leverer utbyggingssøknadane til staten før nyttår.

Ein mann i 60-åra blir i dag framstilt for fengsling i Sogn og Fjordane tingrett. Politiet meiner mannen har seld hasj og amfetamin i Nordfjord over lengre tid. Politiet har også gjort fleire beslag av narkotika.

– Han har vore sikta tidlegare, og pågripen igjen no. Vi meiner han er ein betydeleg aktør i Nordfjord, seier politiadvokat Stig Degvold-Jonstad.

Politiet vil be om fire veker varetekt grunna fare for gjentaking.

Ein person er pågripen etter ei kvinna vart funnen bevisstlaus i Alver natt til fredag.

Den pågripne er foreløpig sikta for forsøk på drap, melder Bjarte Rebnord i Vest politidistrikt.

Det er foreløpig ikkje venta fleire pågripingar i saka.

Ein mann i 20-åra er frakta til Haukeland sjukehus etter at han skal ha blitt knivstukken i Bergen sentrum natt til fredag. Han var medviten, men det er uklart kor skadd han er. Ifølgje politiet skal mannen ha prøvd å hindra slåssing mellom ei gruppe personar då han blei knivstukken.

– Personane sprang vekk frå staden, og fornærma blei ståande igjen og oppdaga at han var blitt knivstukken. Så langt kan me ikkje sjå at det har vore nokon relasjon mellom desse, seier operasjonsleiar Steinar Hausvik.

Fleire patruljar blei sette inn for å finna ein mistenkt gjerningsperson, som stakk av frå staden.

Politiet etterforskar saka, og vil blant anna ta eit avhøyr av mannen etter kvart. Dei vil også undersøka om det finst videoovervaking frå staden.

Ei kvinne blei funnen medvitslaus i ein bustad i Alver torsdag kveld.

I ei oppdatering kl. 03.23 skriv politiet at ei av hypotesane dei jobbar ut ifrå er at ho er utsett for noko straffbart. Men dei er framleis usikre på kva dei står overfor.

Kvinna blei frakta til Haukeland sjukehus.

Politiet skriv at dei forsøker å komme i kontakt med ein namngjeven person.

Politiet fekk melding av AMK klokka 20.25, og var til stades både i Åsane og i Alver med fleire patruljar og drone.

– Ingen er pågripne, sa innsatsleiar på staden Tom Johannessen.