Suodjalus oahpahišgoahtá sámi kultuvramáhtu
Sámi álbmotbeaivvi oktavuođas almmuhii suodjalus ahte sii ráhkadit oahpahusplána sámi kulturáddejumi birra.
Inga Márjá Lango, guhte maid leamašan soalddát, muitalii almmuheamis ahte sutnje muitaluvvui ahte ii sáhte sámegillii hállat.
– Dieđusge suhtten, logai son.
Dát dahkko daningo suodjalus lea gullan sámi soalddáhiin ahte sis leat leamašan unohis vásáhusat suodjalusas.
– Lea dehálaš ahte soalddáhat, geat ásset ja barget sámi guovlluin dihtet ja dovdet sámi kultuvrra, muitalii sámediggepresideanta Silje Karine Muotka.
Geahča ášši dás: