Sámi nissonat dovdan veahkaválddi
Meastá bealli sámi nissonolbmuid dieđihit ahte mánnávuođas leat vásihan dovduičuohcci, fysalaš dahje seksuálalaš veahkaválddi, dat boahtá ovdan Astrid Eriksen doavtterdutkamušas. Son lea dutkan movt mánnávuođa veahkaválddálaš vásáhusat váikkuhit olbmo dearvvasvuhtii rávisolbmoagis. Eriksen lea ieš Divttasvuonas eret ja su doavtterdutkamuš lea hui áigeguovdil dál. Doavtterdutkamuša namma lea «Breaking the silence» ja dat muitala ahte dát leat dakkár áššit, mat eai hubmojuvvo ja man váttis lea sámi birrasiid veahkaválddálašvuođa ja seksuála veahkaválddálašvuođa loktet čuovgga ovdii.