Hopp til innhold

Sivahallá Ságat-aviissa vearu dieđuid gilván - Ságat-ođasredaktevra šiitá

Sámeálbmotbellodaga njunuš nágge Ságat-redaktevrrain maid son lea dadjan sidjiide.

John Henrik Eira

Sámeálbmotbellodaga vuosttáš evttohas ávjovári válgabiires ​Ingos-Máhte Jovnna, John Henrik Eira ii mieđa dása maid Ságat aviissa lea čállán su birra.

Foto: Privat

Ságat aviisa čálii duorastaga ođđasa Eira birra, mas lei bajilčála:

«Áigu váldit eret guovtti goalmmadas oasi sápmelaččain jienastanvuoigatvuođa.»

– Dan gal mun in leat lohkán, inge oaivvildan, dadjá Ingos-Máhte Jovnna, John Henrik Eira.

Eira čilge ahte dat ii leat vejolaš váldit eret jienastanvuoigatvuođa olbmuin geat leat ožžon dan, nugo Ságat čállá, muhto sii sáhttet čavget gáibádusaid sisadieđiheapmái.

John Henrik Eira
Foto: Faksimile

– Buot dát bajilčállagat sihke gávccát ja ovccát siiddus Ságat aviissas eai leat mu sánit, muhto aviissa iežas sánit ja oaivilat, dadjá Eira.

Eira goitge mieđiha ahte buot mii lea čállon vuolabeallái bajilčállaga. Dat leat su sánit.

Áššis jearrá journalista John Henrik Eiras ahte leago oassi Sámeálbmotbellodaga prográmmas nu ahte sápmelaččas lea geatnegasvuohta oahppat sámegiela. Dasa son vástidan «Jua».

– Eira lea dadjan nu movt mii leat čállán

Ságat-aviisa ođasredaktevra Lars Birger Persen ii leat ovttaoaivilis Eirain, ja deattuha ahte sii sáhttet duođaštit ahte son lea dadjan nu movt sii leat čállán aviisii.

– Mii sáhttit dokumenteret dan maid mii leat čállán aviissas, dat lea juste nu movt son dadjá jearahallamis, maid mii leat dáhkan suinna, dadjá Persen.

Lars Birger Persen

Lars Birger Persen

Foto: Pressebilde / Ságat

Eira deattuha ahte bajilčállagis eai leat su sánit. Leago Ságat čállán bajilčállaga iežas oaivilin?

– Sihke bajilčála ja álgočálus lea juoga maid Ságat lea čállán Eira oaiviliid vuođul. Go son dadjá jearahallamis ahte sii geat galget beassat jienastit sámediggeválggain fertejit máhttit sámegiela, de lea nu ahte jus njuolggadusat rievdaduvvojit nu, de mielddisbuktá dat ahte guokte goalmmadas oassi sápmelaččain eai šat beasa jienastit, dadjá Persen.

Son deattuha ahte mediaid bargu lea deaivvadit politihkkariiguin ja gullat maid sii oaivvildit, ipmirdit sin ja de ovdanbuktit sin váldooaivila čoahkkáigeasu hámis das maid sii oaivvildit.

Persen mieđaha goitge ahte Eira ii leat dadjan sánis sátnái, juste nu movt Ságat lea čállán bajilčállaga ja álgočállaga.

– Soahpan ođđa artihkkala journalistain

John Henrik Eira muitala NRK Sápmái ahte son lea humadan journalisttain ja soahpan ahte son divvu su cealkámušaid.

– Moai letne humadan ja son lea lohpidan ođđa čállosa almmuhit, mainna son divvu dán čállosa, dadjá Eira.

Ságat-aviissa ođasredaktevra šiitá ahte sii leat lohpidan divvut.

– Mii eat leat lohpidan njulget, eatge šállošit maidege. Dat ferte leat boasttuipmárdus su bealis, muhto mii leat lohpidan ođđa artihkkala suinna mas son beassá dárkileappot dadjat maid son oaivvilda ja viiddidit iežas oainnuid, go dat lea dehálaš sámepolitihkalaš digaštallamii, dadjá Persen.

Maid Eira duođai oaivvilda?

Sámeálbmotbellodaga njunuš čilge ahte Sámediggi sáhtášii mearridit seammá sisadieđihan-eavttuid Norggabeale Sámediggái nugo Suoma ja Ruoŧa sámedikkiin leat.

– Sámedigge sisadieđihan-eavttuid sáhttá divvut. NSRas lea maid áigumuš oktasaš eavttuid ráhkadit buot golmma sámediggeválggaid jienastusloguide. Suomas ja Ruoŧas lea giellaeaktun juogo dat ahte jienasteaddji ieš máhttá sámegiela, dahje váhnemat, ádjá dahje áhku gii sámásta. Ja dien ortnega mii háliidit ruovttoluotta, dadjá Eira.

Korte nyheter

  • Harald Gaski utnevnt til æresdoktor ved Umeå universitet

    Loga sámegillii.

    Forsker, forfatter og professor i samisk kultur og litteratur ved Samisk høgskole, Harald Gaski, er utnevnt til æresdoktor for 2024 av Det humanistiske fakultet ved Umeå universitet, sammen med kunstviter, gallerist og driftsleder for Prinsesse Estelles Kulturstiftelse, Sara Sandström.

    «Betydelig innsats for å styrke samisk språk og samisk litteratur og dermed inspirere både forskere og forfattere», står det i begrunnelsen for Gaski. Både Gaski og Sandström ble foreslått av ansatte ved fakultetet.

    Det melder Umeå universitet i en pressemelding.

    Harald Gaski
    Foto: Bjørn Hatteng / UIT
  • Harald Gaski nammaduvvon Ubmi universitehta gudnedoaktárin

    Les på norsk.

    Dutki, girječálli ja sámi kultuvrra ja girjjálašvuođa professor Sámi allaskuvllas, Harald Gaski, lea nammaduvvon Ubmi universitehta Humanisttalaš fakultehta 2024 gudnedoaktárin. Nu maid lea dáiddačeahppi, gallerista ja Prinsessan Estelles Kulturstiftelse doaibmajođiheaddji, Sara Sandström.

    «Mearkkašahtti áŋgiruššan nannet sámegiela ja girjjálašvuođa, ja lea dan láhkai movttiidahtán eará dutkiid ja girječálliid», čuožžu Gaski ákkastallamis. Sihke Gaski ja Sandström leaba evttohuvvon fakultehta bargiiguin.

    Dan čállá Ubmi universitehta preassadieđáhusas.

    Harald Gaski
    Foto: Bjørn Hatteng / UIT
  • Politiet etterforsker mistenkelig dødsfall i Vardø

    Politiet etterforsker et mistenkelig dødsfall etter at en eldre mann fra Vardø døde ved Kirkenes sykehus. Han skal før han døde selv ha opplyst til helsepersonellet at han skal ha blitt utsatt for vold noen dager i forveien, skriver politiet i en pressemelding.

    Sykehuset varslet politiet 15. mai kl. 09.46 om at den avdøde hadde fortalt at han skal ha vært utsatt for vold.

    – Det ble umiddelbart igangsatt etterforskning den 15. mai og vi har avhørt en rekke vitner før helgen, opplyser leder for taktisk etterforskning i FEFE (Felles enhet for etterretning, forebygging og etterforsking), Torstein Pettersen.