Luohti lea dakkár ahte das ii galgga dahje berre dajahallat vaikko maid. Ovdamearkka dihte eai juoigga fastit nuppi olbmo birra, eai ge váivves áššiid birra. Ja guhkkin eret seksuálalaš áššiid birra. Vissis áššit leat "tabu".
Luohti lea gielis?
Jus lea nu ahte muhtun olmmoš lea hui gielis, álo gielista ja vaikko man birra, de eai goasse dan dajahalaše luođis. Su birra livčče várra dajahallan ahte son lei čeahpes máinnasteaddji ja ahte sus ledje vaikko makkár ártegis ságat.
Guokte nisson-juoigi, Lill-Therese Holm Varsi ja Solveig Skum Solbakken, diehtiba ollu luđiid birra, ja man birra sáhttá juoigat. Ja maiddái man birra ii oba heive ge juoigat.
Gula sutno oaiviliid luođi birra: