Hopp til innhold

Hei Lola vuoiti maŋemus Luo-Mus guossin

Eva Jeanette Iversen bekkii Hei Lola 2004 lávlunvuoitin, muhto maŋŋel dan jávkkai son. -Mun dego čákŋen bidjui, muitalii Eva Jeanette go finadii maŋemus Luo-Mus Máilbmi sáddagis.

Eva Jeanette Iversen
Foto: Wenche Marie Hætta / NRK

Eva Jeanette Iversen Luo-Mus Mailmmis 31/10-08

Oidnui, gullui ja jávkkai

Vuosttaš háve go Eva Jeanette Iversen lávkii lávdái mas duođai boahtá oidnosii, lei 2003 Sámi Grand Prix oktavuođas. Dien jagi searvvai lávlungilvui lávlagiin "Go dovddastin". Ii beassan dan golbma buoremusa searvái dien háve, muhto ii Eva Jeanette vuollánan.

Jagi maŋŋil almmuhuvvui ahte galgá lágiduvvot sámi "Idol". Das lei namma "Hei Lola!". Ollu nuorat serve, nu maiddái Eva Jeanette Iversen. Ja manai buoret go Sámi Grand Prixas. Son vuittii lávlungilvvu. Ja sáhttá namuhit ahte Eva Jeanette vuittii iežas beakkán oambeali badjel. Dát oambealli lea Sámi Grand Prix 2008 vuoiti Elin Kåven.

Dá lea maid Eva Jeanette Iversen lea bargan:

  • 1999 lei Eva Jeanette mielde Nuoraidlávddis Riddu Riđđu festiválas. Dien jagi leigga earret eará Mia Rasmus ja Tiina Sanila maid mielde dien seamma lávddis.
  • Lei mielde joavkkus Starga maŋŋel Hei Lola 2004, muhto joavku lea dál heaittihuvvon.
  • Eva Jeanette Iversen lea vázzán musihkka-álbmotallaskuvlla, ja doppe lea oahppan "stev". Dá lea norgga álbmotmusihkkii gullevaš, ja dán háliidii Eva Jeanette oahppat danne go su áhčči lea dáčča. Danne dovddai ge gullevašvuođa maiddái dáčča kultuvrii.

Korte nyheter

  • Ohcamin jávkan turista Sáččás Romssas

    Turista, gii dieđihuvvui jávkan vuossárgga ii leat ihtán idjadansadjái gos son galggai čálihit eret. Danne lea boles mearridan maŋŋebárgga iđitbeaivve ođđasit ohcagoahtit dán olbmo dieđihit bolesis.
    Hotealla bargit dat dieđihedje vuossárgga albmá jávkan. Almmái ii leat dihtton mannan bearjadaga rájes. .

    –Sii leat dán turista dávviriid gávdnan lanjas, gos son lea orron ja dál nagodit identifiseret dán olbmo, muitala boles Torbjørn Næss gii jođiha ohcamiid.

    Redningsaksjon Senja

    Store styrker søker etter savnet turist – ikke sett siden fredag

    En mann ble mandag ettermiddag meldt savnet på Senja. – Søk foregår med uforminsket styrke, sier politiet.

  • Kutter gjenutsetting av laks i Altaelva

    På grunnen av høy temperatur i Altaelva droppes gjenutsetting av laks. Det skriver Altaposten.

    Dette vil skje fra og med i 24. juli altså i morgen.

    de som skal fiske fra i morgen må droppe gjenutsetting av laks og avslutte fisket etter at kvoten på to laks over syv kilo er tatt. Opplyser Alta laksefiskeri interessentskap.

  • Diehtu vuoššat čázi Skáiddejávrris

    Porsáŋggu gielda dieđiha ahte Skáiddejávrri guovllus ferte vuoššat čázi.

    Ođđaseamos čáhceiskosat čájehit ahte čázi berre vuoššat unnimusat 1 minuhta ovdal go dan juhká.

    Sivvan dasa lea go golggotmánus doddjojedje Máhkarávjju siidda bohccot jieŋa čađa ja badjel čuođi bohcco heavvanedje Skáiddejávrris Porsáŋggus.

    Porsáŋggu gielda lea fitnan geahččamin jávrri, ja ávžžuha olbmuid diktit ráppiid leat doppe.