Leat mánát geat vásihit veahkaválddálašvuođa ijaid ja vahkkoloahpaid danin go váhnemat juhket gárremiidda.
Dát dáhpáhuvvá dávjá daid áiggiid go váhnemat ožžot bálkká.
Dan čállá Kalallit Nunaata radio (Greenlandic Broadcasting Corporation).
Viđa suohkanis
Mánáidráđđi Nakuusa lea ovdalaččas dorjon árvalusa ahte ásahit dakkár báikkiid suddjen dihte mánáid.
Kalallit Nunaata radioa (KNR) muitala ahte guovddážat ásahuvvojit dán mánu mielde.
– Lea leamaš sávaldat mánáin ahte galggašii dakkár báiki gosa beasaše mannat earenoamážit dalle go váhnemat ožžot bálkká. Sii dárbbašit oadjebas báikki.
Dan dadjá Martha Abelsen, geas lea ovddasvástádus sosiála áššiin Ruonáeatnama ráđđehusas.
- Loga nai: Liten bygd vil ha alkoholfri jul
Golmma jahkái
Dál leatge geahččaleame ásahit dakkár báikkiid viđa suohkanii, namalassii Aasiaat, Ilulissat, Sisimiut, Nanortalik ja Nuuk.
Dán geahččalit dál čađahit golmma jahkái.
Doaibma lea okta dain árvalusain movt buoridit mánáid dili Ruonáeatnamis.
Maŋŋel go leat iskan mánáid dili Ruonáeatnamis, de leat árvalan 16 iešguđet doaimma ja sierra guovddáš mánáide lea dat vuosttaš doaibma maid dál geahččalit.
- Loga nai: Mishandling av inuittbarn granskes
Gávcci miljovnna prošektii
Prošektii leat dál juolludan gávcci miljovnna ja ráđđehus sosiála áššiid ovddasvástideaddji sávvá ahte dás oidnet bohtosiid.
– Mun sávan ahte mánát ožžot oadjebas saji gos ožžot veahki daid áiggiid go váhnemat eai nagot áittardit mánáideaset, dadjá Abelsen KNR:ii.
- Loga nai: Alkoholforbruket halvert
- Loga nai: Overlevde fire dager i -50