Les på norsk.

Guovdageainnu almmái lea lágamánnerievttis dubmejuvvon go lea verrošan dokumeanttain maŋŋel go lea rievdadan almmolaš mearrádusa mii geavahuvvui ohcanproseassas.

Son áššehuvai diggegottis, muhto Romssa ja Finnmárkku Stáhtaadvokáhtaámmát váiddii duomu.

Lágamánnerievtti eanetlohku oaivvilda ahte son dihtomielalaččat geavahii dokumeantta maid lei verrošan. Ráŋggáštus lea 14 beaivve evttolaš giddagas ja guokte jagi geahččalanáigi.

Loga sámegillii.

En mann fra Kautokeino er dømt i lagmannsretten for dokumentforfalskning etter å ha endret et offentlig vedtak brukt i en søknadsprosess.

Lagmannsrettens flertall kom til at han handlet bevisst ved å bruke et forfalsket dokument. Straffen er 14 dagers betinget fengsel med to års prøvetid.

Han ble tidligere frifunnet i tingretten, men dommen ble anket av Statsadvokatembetet i Troms og Finnmark.

Les på norsk.

Fearsullolaš Vónbjørt Vang oažžu Davviriikkaid ráđi girjjálašvuođa bálkkašumi dán jagi.

Bálkkašumi oažžu son «Svørt Orkidé» nammasaš diktagirjjis ovddas.

Fearsullolaččat eai leat dien bálkkašumi vuoitán 1986:a rájes.

Maiddái Davviriikkaid ráđi filbmabálkkašumi vuoiti lea Fearsullos eret. Sakaris Stórá vuittii filmmain «Seinasta paradís á jørð».

Mánáid ja nuoraid girjjálašvuođa bálkkašumi vuittii ges Sara Lundberg girjjiin «Ingen utom jag».

Sámiid evttohasat dien bálkkašupmái leigga Hanne-Sofie Suongir ja Nina Marie Andersen girjjiin «Emma dilemma».

Girjjálašvuođa suorggis lei ges Jalvvi Niillas Holmberg sámi giellaguovllu evttohassan iežas románain «Goatnelle».

Vuoitit ožžot 300.000 dánska ruvnnu ja bálkkašumit geigejuvvojit Stockholmmas dán mánu loahpas.