Dan jagi loahpas galggašii Porsánggu sohkagirji / leksikona ilbmat girjin. Girječálli Ole Nicodemussen muitala dás leat 5500 joavkkus dahje bearrašis sáhka. Girjjis leat maid olu govat. Nicodemussen muitala girjji sáhtašii prentegoahtit vaikke dál juo, muhto de gáibidit prentehusas ahte girjái leat unnimusat 500 ovdalgitii tingoma ovdal go dan prentegohtet.
Ain lea vejolaš lasihit dieđuid
Girjjis lea son čuvvon sogaid 1600-logu rájes gitta dássážii, ja nu guhká go girji ii leat vel prentejuvvon de lea ain áigi lasihit namaid dađistaga go ođđa olbmot riegádit, Ja lea maid ain áigi sáddet govaid jos gii nuge hálidivčče govaid iežas olbmuin dán girjái.
Eanebut galggašedje tingot girjji
Ii girji mana prentehussii ovdalgo unnmusat 500 olbmo leat dán ovdalgihtii tingon. Ovdalgihtii tingojumit galggašedje suddjet girječálli ammas son vealgáduvvat jos nu geavaš ahte olbmot eai oaste girjji. 500 girjji gálggašedje tingojuvvot, easka dalle prentegohtet dan.