Ovddešáigge govat internehttii

Gula ášši:John Ole Nilsena govat  

Gula olles jearahallama dárogillii/ Hør hele intervjuet på norsk

"Nuorttanaste" lea kristtalaš sámi aviisa mii 109 jagi juo lea ilbman. Dán aviissa dat doaimmahii John Ole Nilsen 1960-logu rájes 1998 rádjai. Nilsen váldii doaimmaheaddji barggu badjelasas maŋŋilgo Anders Guttormsen loahpai doaimmas 1960:s.

Govvidii mátkiin

 

Nilsen lei áŋgiris govvideaddji, mátkiin lea govvidan olu. Várjjat Sámi Musea lea dáid govaid fitnen rádjui. Oktiibuot leat dál 12 000 gova vuorkkás, muhto eai vuos gal leat eanet go sullii 1500 gova registrerejuvvon. Dáid lea dál vejolaš fitnat geahččamin Várjjat Sámi Museas.

Ieš ilbmadii govaid

John Ole Nilsen lei ieš iežas dállui ráhkadan smávva lanjaža gos ieš ilbmadii govaid. Lanjaš ii lean stuoris, lihkká meinnestuvai doppe ilbmadit duháhiid mielde govaid.

Ávdin dálus rájaduvvojedje

Várjjat Sámi Museas gávnnahedje buoremussan fitnet dáid govaid sihkkarvuhtii, danne ohce ja fitnejedje Norgga Kulturráđis 150 000 ruvnnu doarjaga čohkket govaid ja rádjat daid musea vuorkái. Nilsena govat rájaduvvojedje su dálus, gos ii oktage ása. Musea bealis balle govaid ribahit billašuvvat, danne fálle dáid rádjat museai.

Internehtas oaidnit

Várjjat Sámi Museas áiggošedje John Ole Nilsena govaid registreret ja digialiseret. Jurdda lea dáid bidjat nehtti vai olbmot dáid beasašedje interneahta bokte geahčadit.

Olu čállosat maid ráddjon

Várjjat Sámi Museas lea Torbjørn Bjørkli čohkken govaid ja álgán dáid digitaliseret. Son muitala dán leat áddjás bargun, danne dáidá ain gollat áigi ovdalgo buot 12 000 gova leat geahččanlahkai