Ovttas daid politihkálaš bellodagaiguin Stuorradikkis, lea ráđđehus mearredan lágidit našunala muitodilálašvuođa suoidnemánu 22. beaivve Utøya ja ráđđehuskvartala terrorfallehemiid maŋŋá.
– Sápmelaččat leat vásihan dán tragediijá ja mii leat norgalaččat, danin lea lunddolaš ahte sápmelaččat leat mielde dán muitoseremoniijás Oslos, lohká Sámediggepresideantta Egil Olli.
Oslo Spektrumas
Dát muitoseremoniijá lágiduvvo Oslo Spektrumas sotnabeaivve, borgemánu 21. beaivve. Maŋisboahttit, olbmot geat leat heakkas beassan fallehemiin, veahkkebargit, dearvvašvuođabargit, earát geat leat muhtinláhkai dáhpáhusaide čátnun ja dat álmmolaš norga, nu go Sámediggi, bovdejuvvojit Oslo Spektrumaid.
– Mii eat leat fitnen dan prográmma vel ja in dieđe galggan go doppe maidiige dadjat, muhto dát dáhppáhusat leat buohkaide leamaš lossat, lohká Olli.