1994-JAZZ
Dá lei dat jahki go oahpásmuvaimet doahpagii Jazz joik. Lei lullisápmelaš artista Frode Fjellheim ja su joavku Jazz joik ensemble mii almmuhii cd "SaajveDans". Dát joavku ii gávdno šat dien nama bokte. Dál lea joavkku namma Transjoik. Sin musihka sáhttá gohčodit jazz, electronica ja techno seaguhussan.
2001-TECHNO
90-logus bođii technomusihkka máilbmái, ja dan mielde bođii doaba techno-luohti Sápmái. Kárášjohkalaš Per Tor Turi dat bekkii dáinna juoiganmálliin. Son ovttasbarggai musihkkabuvttadeddjiin Magnus Vuolabiin ja almmuhii "Techno TorTuri". Das ledje guokte šuoŋa, "Vuoibmi" ja "Balut".
2002-HEAVY
Kárášjot joavku Intrigue čuojahii rocka-musihka dalle go joavku álggahuvvui 80-logu loahpageahčen. 90-logus joavku čuojahišgođii luđiid iežas vuogi mielde, ja guldaleaddjit liikojedje dasa. Danne joavku almmuhii EP 2002s, "Heavyjoik". Das ledje njeallje luođi, "Eatni nieida", "Iešjávr lunttat", "29/Deanu Máijá" ja "Orbina".
2007-PARTY
Ruovttus gáržžes gárášas Rolf Morten "Rolffa" Anti Amundsen čuojahii ja báddii iešráhkaduvvon šuoŋaid ja bijai daid internehttii. Okta dain lei "Partyjoik". Dát šattai hirbmat beakkánin nuoraid gaskkas, ja Rolffa šattai olles joavku. Dát joavku dat almmuhii ge cd "Partyjoik", mas leat lávlagat maidda lea biddjon luohte-geardduheapmi máŋgga sajis.