NRK Meny
Normal

Amoc dán jagi nuorra eurohpálaš

Anáraš ráppejeaddji Amoc dahje Mihkkal Ánde Morottaja oaččui otne Dán jagi nuorra Eurohpás bálkkašumi.

Amoc dahje Mihkkal Ánde Morottaja
Foto: Min Áiggi vuorkágovva

Anáraš ráppejeaddji Amoc dahje Mihkkal Ánde Morottaja lea dán jagi nuorra Eurohpás. Suoma nuoraidsearvi  Eurooppan nuoret (Eurohpá nuorat) dat jugii dán bálkkašumi otne Helssegis. Searvi vuođđuduvvui jagis 1997 ja lea sorjakeahtes nuoraidsearvi mii nuoraide áiggošii addit buoret áddejumi das mii Eurohpá Uniovdna lea.

Stuorra ovdagovva

Searvvi mielas lea Amoc stuorra ovdagovva eará eurohpálaš nuoraide go ođđaáigásaš musihkainis ovddida unna gielaža. Amoc ieš lea hirbmat ilus. - Mun in oppa diehtánge, ahte ledjen evttohassan dán bálkkašupmái. Danne lei suohtas go ožžon dán. Doaivvošin maid ahte eambbosat dál ostet mu skearru, lohká Amoc.

Ovdal leat earret eará Suomas dovddsu čorpmadeaddji Eva Wahlström ja musihkkár ja olmmošvuoigatvuohtaaktivista Tommi Lingren ožžon dán bálkkašumi.

Gula Amoc jearahallama