196 riikka galget šiehtadit soahpamuša mii čatná sin unnidit nuoskkideami ja dustet dálkkádatrievdamiid.
Beahtahallan
– Mun lean dieđusge hui behtohallan go lea Norga gii dáid evttoha ja mii šaddat eará riikkaiguin dál váldit oktavuođa ja daid viggat váikkuhit nu ahte dat vuosttildit Norgga. Dat lea mu mielas hui unohas.
Jávo lohká ahte sii dál fertejit luohttit ahte Sámediggi bastá váikkuhit Norgga posišuvnna dás.
Norga leage árvalan sihkkut álgoálbmogiid vuoigatvuođaid dain paragráfain gos dat namuhuvvojit ja namuhit álgoálbmogiid dušše álgosánis.
Dáinna lea Sámiráđi presideantta sakka beahtahallan ja lohká d dás ii leat nu stuora mearkkašupmi jus álgoálbmogat namuhuvvojit dušše ovdasánis go dát ii čana riikkaid masage.
Eará riikkaiguin gulahallat
Áile Jávo čilge ahte sii fertejit dál eará vugiiguin geahččalit váikkuhit.
Maid jurddašat don dás go Norga lea dávjá gii ovddida sámi áššiid ja gii lohká ahte váldá vuhtii sámi áššiid, muhto dákkár cealkámuš boahtá sis?
– Mun lea hui behtohallan dasa ja mun in leat ožžon makkárge čilgehusa manin dat dan dahket, muhto mii sávvat vel ahte mis lea vejolašvuohta váikkuhit.
Son lohká ahte jus eai nagot Norgga váikkuhit, de fertejit geahččalit váikkuhit dasa ahte eará riikkat vuosttildit árvalusa ja baicca dorjot álgoálbmotvuoigatvuođaid bissut teavsttas.
Dálkkádatčoahkkin álggii mánnodaga skábmamánu 30. beaivvi ja šiehtadallamat galggaše loahpahuvvon juovlamánu 11. beaivái. Dalle galggašii šiehtadus sajis jus dát 196 riikkaleat nagodan soahpat oktasat dálkkádatsoahpamuša.
