Ingunn Utsi muitala Iver Jåks lei dehálaš sámi dáiddáriidda, danne muitala lean lossadin gullat ahte Jåks dál lea guođđán sin. Iver Jåks lei sin ofelaš, son dat láidestii sin sámi dáiddáriid dáiddálašmáilbmái.
Ovdagovvan
Ingunn Utsi lohká muitosánistis ahte Iver Jåks lei nuovžil, son beroštii sámi árbevierus ja cuigii álo go oinnii mo sámi kultuvra geavaheadje čikŋan. Jåks ozai dáid duođalaš ságaid ja nu gáibidii son maid dain geaiguin son háleštii. Muhtimin son gal hárddestii ja balddestii maid sin.
Jeđđejeaddji
Utsi muitala Iver Jåks lei dakkáraš gii maid jeđđiid jos olmmoš dovddái iežas heittohin go áigumušat ja jurdagat eai lean ollašuvvan. Dál sávvet sámi dáiddárat iežaset ofelažžii, jeđđejeaddjái ja láidesteaddjái Iver Jåksii ráfi vuoiŋŋadeapmái, ja ráfi lehkos maid su muitui, deattuha Ingunn Utsi muitosánistis.
