Menddo unnán idjadansajit

Boahtte jagi Árktalaš dálveriemuin dahje Arctic Winter Games leat stuorra hástalusat gávdnat orronsaji dan sullii guokteduhát eaktodáhtolaš bargái, mat dárbbašuvvojit vai riemut sáhttet čađahuvvot govttolaččat. Dan dieđiha CBC North. Riemut lágiduvvojit South Slave regiovnnas Northwest Territories Kanádas njukčamánu 18. gitta 24. beaivái boahtte jagi. Dán regiovnnas orrot sullii 6000 olbmo.