Buot stuorimus bálkkašupmi livččii guoibmi

Mari Boine, riegádii skábmamánu 8.beaivvi 1956 Gámehisnjárggas, Kárášjogas. Iežas 60 jagi riegádanbeaivvi son ávvudii konsearttain Alandica kultur- ja kongreassaguovddážis Mariehamnas Ålanddas.

Mari Boine synger under konsert på Åland

ÁVVUDII LÁVDDI ALDE: Mari Boine doalai riegádanbeaivve konseartta Mariehamnas Ålanddas seamma beaivvi go devddii 60 jagi.

Foto: Mattis Wilhelmsen / NRK

Vaikko Mari Boine namma lea beaggán, ja ain beaggá miehtá máilmmi, de goit muhtun báikkiin eai dieđe olus su birra.

Dáppe Mariehamn gávpogis Ålánddas eai lean nu gallis geat dihte gii Mari Boine lea.

Go de čilgiimet ahte son dat han lea okta Sámi beakkáneamos artisttain, de gal goit muhtumat fuomášedje gean birra vikkaimet jearrat.

Luohtegielddus riegádahttán ođđa lávlagiid

Mánnán beasai Mari dávjá gullat ja vásihit ahte sámi juogan ja luohti adnojuvvui suddun, ja gahččaluvvui čihkkojuvvot.

Vaikko Mari vásihiige luođi gieldima de lea son ođasmahttán luođi go dasa lea seaguhan osiid máŋggaid eará kultuvrraid árbevieruin nugo mat jazza, rocka ja álbmotmusihka kultuvrrain.

– Vaikko luohti gildojuvvui, de dat goittot lea riegádahttán máŋga ođđa lávlagiid, muitala Marie Boine.

Mátkkošteaddji guossit

Konsertii Mariehamnas ledje boahtán badjel 100 guldaleaddji, sihke amas olbmot ja fuolkkit. Okta guldaleddjiin lei Mari oambealli, Marit Anne Länsmann, guhte ássá lahka Stockholm gávpoga Ruoŧas.

Anna Mattsson ja Marit Anne Länsmann

Mari Boine oambealli, Marit Anne Länsmann áhkkubiinnis, Anna Mattsson (gurutbealde Marit Boine konsearttas Ålanddas

Foto: Heaika Skum / NRK

– Mus lea nieida guhte orru ja bargá Mariehamnas Ålanddas, ja vulgen nieidda guossái go gullen ahte Mari lei Mariehamnas doallamin konseartta, dadjá Marit Anne Länsmann.

Son dadjá suohtasin go iežas fuolkenieidda dáppe beasai vásihit ja gullat lávlumis ja juoigamis.

Bures vuostáiválde Mari

Guossit geat ledje boahtán konsertii bures vuostáiválde Mari.

Mari Boine konsearttas

Mari bures geasuhii guldaleddjit mielde sihke juoigat ja dánsut

Foto: Heaika Skum / NRK

Son geasuhii guldaleaddjit mielde sihke lávlut, juoigat ja dánsut. Buohkat geaiguin ságastallen maŋŋil konseartta, dadje ahte lei earenoamáš vásáhus gullat Mari, ja vaikko sii eai ipmirdan sámegiela, de sii goittot bures nagodedje čuovvut mielde.

Ohcaleamen guoimmi

Mari Boine lea ožžon gávcci geardde dehálaš bálkkašumiid. Earret eará lea son Spellemann-bálkkašumi golbmii ožžon, ja Davviriikkaid Ráđi musihkkabálkkašumi.

Makkár bálkkašumi it leat ožžon man ohcalat?

Dása vástida Mari ahte son váillaha guoimmi, ja ahte dat gal livččii dakkár bálkkašumi man áinnas háliidivččii oažžut.

Korte nyheter

  • Vant pris for beste photo

    Filmskaper i dávásfilm, Ken Are Bongo fra Kautokeino stakk nylig av med pris for beste photo i Mexico City Videodance filmfestival. Dette i regi av filmproduksjon med Reinfilm, og regidebutanten, Sveitsiske Flavia Devonas Hoffmann. Kortfilmen Human Habitat, handler om en reise med menneskelige følelser i sving, i navigasjon med gruve og oljeindustrien i Finnmark. Filmen kan streames fra desember, etter at den er blitt vist i alle filmfestivaler først.

  • Ávvir og Ságat mister lesere

    Tall fra Mediebedriftenes Landsforening (MBL) viser at 8 av 11 aviser i Finnmark har positive opplagstall i første halvår av 2021 sammenlignet med første halvår i 2020. Ávvir og Ságat er blant to av de tre avisene som synker i opplag. De har mistet henholdsvis 31 og 41 lesere. Finnmarken har økt mest i opplag med 177 nye avislesere.

    Avisbunke, bunke med aviser
    Foto: Dan Robert Larsen / NRK
  • Kautokeino-kvinne ble millionær

    Onsdag kveld vant en kvinne fra Kautokeino over 1,4 millioner kroner da hun sikret seg 2.-premien i Vikinglotto. Norsk Tipping fikk ikke tak i kvinnen etter onsdagens trekning. Da de prøvde på nytt torsdag svarte millionæren kjapt og sa hun hadde vært på fjellet, ifølge iFinnmark. – Jeg fikk nesten panikk, sier kvinnen som ønsker å være anonym.

    Norsk Tipping Vikinglotto
    Foto: Norsk Tipping