Dán cd:s lea luohti maid Johan Anders Bær lea juoigan. Muhto dál lea dán luođi Jonas Knutsson & Horn Please ilbmadan cd:ii mas bosanas-čuonanasain dán čuojahit.
"Horn Please" lea cd mas Johan Anders Bær luohti Máret Annii maid gullo. Luohtešuokŋa gullo, muhto dás eai leat sánit gal. Jonas Knutsson dat cuojaha saksofonbosanasain.
Luođi juoigan
Johan Anders Bær dat lea juoigan Máret Anne luođi mii dál lea Horn Please cd:s maŋimuš šuokŋan.
Sámi allaskuvllas oidnet, ahte dál lea stuorra beroštupmi oahppat sámegiela.
Ollugat leat ohcan sámegiela easkkaálgi kursii, man gohčodit SÁL1 ja SÁL2.
Buohkanassii leat 70 ohcci.
– Min váttisvuohta lea, ahte mis eai leat doarvái fágaolbmot geat sáhttet oahpahit sámegiela, muitala Sámi allaskuvlla rektor Liv Inger Somby.
Son lohká allaskuvlla dál bátnegáskki bargat strategalaččat gávdnat olbmuid geat sin lusa sáhtášedje boahtit bargui ja oahpahit sámegiela easkkaálgiide.
– Jus oažžut vel ovtta dahje guokte oahpaheaddji, de sáhttit duppalastit studeantalogu. Dalle eai leat dušše 15 studeantta, muhto 30, čilge Somby.