Earalagan go earát
Neavttarat muitalit ahte dáinna muitalusain, mas Máhtte lea earalagan go earát, dáinna áiggošedje sii čálmmustahttit dan ahte olbmot leat nu máŋggaláganat, dattetge lea sis árvu. Ii sin galgga moge givssidit jos dal leašge sis makkárnu váddu.
Nuorra neavttárat
Lávddis leat neavttárat hui čeahppi, sii lávlot ja neavttastit. Olu han sii galget muitit, go muhtimiin lea oalle olu maid galget maiddái muitit hállat.
Bagadeaddji illuda
Teahterbihtás lea Ebba Joks bagadeaddji, son čuorvu mánáide neavttáriidda mo goas galget dahkat go leat oahpahallamin neavttasteama ja lávluma. Dávjá čurve oahpahaladettiin neavttáriidda ahte galget muitit lávddis leat nu ahte olbmot geat leat sin geahččamin, galget oaidnit neavttáriid amadáju.
Vuosttaščájálmas
Deanu sámeskuvlla ohppiid teahterbihttá vuosttaš čájálmas lea dán mánu 14, beaivvi Deanušalddis. Nuppes čájehit sii bihttá maŋit beaivvi, skábmamánu 15. beaivvi Deanušalddi Birasvisttis.
Čállán ja hápmen
Dán teahterbihtá lea Tove Nordby Øye čállin, ja Sverre Porsanger lea dán heivehan sámegillii. Musihka leages Harald Sætervold heivehan.