NRK Meny
Normal

Luondduvárjaleaddji rahpá čájáhusa

Govvadáiddár Per Adde rahpá govvačájáhusa Sámi Dáiddaguovddážis čakčamánu 20. beaivvi.

Dáiddár Per Adde lea ožžon Gonagasa ánsomedálja gollis iežas dáiddalaš doaimmaid, luondduvárjaleami ja sámi rivttiid bealušteami ovddas. Danne lea Sámi Dáiddačehpiid searvi bovden su govvačájáhusain Sámi Dáiddaguovddážii Kárášjohkii.

Seminára lágidit

Sámi Dáiddaguovddáš lágida maid seminára gos dáiddár Per Adde oassálastta. Semináras čájehit filmma ja lea vejolaš ságastallat Adde:n. Seminára lágiduvvo bearjadaga 21.dis.