NRK Meny
Normal

Láidesta juovlabasiide

NRK Sámi Radio lea bovden Unjárgga beakkán sátnejođiheaddji Árdna-kulturmagasiinna studioguossin. Doppe son láidesta juovlabasiide

Duorastaga juovlamánu 21.beaivve sáddejuvvo dán jagi maŋemus Árdna.

Dáiddačalbmi

NRK Sámi Radio kulturmágasiinnas dán duorastaga, deaivat dáiddára ja máhkarávjolačča Fred Ivar Utsi Klemetsen. Son lea šaddan beakkánin govaidisguin boazosápmelaččaid eallimis. Muhto makkár govvemin son álggos beaggigođii, dan oainnát Ártnas juovlamánu 21. beaivve diibmu 17.25.

DÁIDDAČALBMI: Ártnas oahpasmuvvat govvideddjin Fred Ivar Utsi Klemetsenain

Láidesta juovlabasiide

Dán prográmmas deaivat maiddái Unjárgga dovddus sátnejođiheaddji. Ann Jorid Henriksen lea dán vuoro guossin Árdna studios, ja son lea beakkánis nisu máŋgga láhkai. Dál son gal lea sátnejođiheaddji Unjárgga gielddas, muhto máŋgalot jagi leat gullan su jiena sihke radios, skearrus, CD:s ja leat maid oaidnán su teáhterlávddis.

DÁIDDALAŠ SÁTNEJOĐIHEADDJI: Ann Jorid Henriksen láidesta juovlabasiide

Gieskat lávllui son Musikk i Finnmark mielde juovlakonsearttain Finnmárkkus. Ártnas son lávlumiin láidesta juovlabasiide.

Geahča Árdna kulturmagasiinna NRK 1:s juovlamánu 21. beaivvi diibmu 17.25 Árdna 21.12.06