Hopp til innhold

Juovllaid berre muitit čuovggaid jáddadit idjii

Juovllat lahkonišgohtet, ja dál leage dat áigi go olbmot álget čiŋadit viesu juovllaide – muorain, juovlanásttiin ja eará čuovggaiguin. Dan maid olmmoš ferte váruhit lea erenoamážit jáddadit čuovggaid ihkku go leat nohkkame. Juovlamánnu ja ođđajagimánnu lea dat áigi go eanemus viesut buollájit.

Korte nyheter

  • Guokte meahcceduopmostuoloášši alimusriektái

    Guokte ášši Kárášjogas leat guoddaluvvon alimus riektái.
    Lea eananeaiggát Stig Harby ja Bassevuovddi vuođđoeaiggátsearvi, mas Stig Harby lea stivrrajođiheaddji, mat eai dohkket meahcceduopmostuolu duomu.
    Meahcceduopmostuolus oaivvildedje ahte ii goappáge guoddaleaddjis lean eanan - dahje geavahanriekti suomarájá alde bajit Anárjohleagis.
    Eananeaiggátsearvi lea dál alimusrievtti guoddaleami áššis, ráddjen guoddaleami dušše geavahanriektái. Stig Harby ges gáibida guoddaleamis geavahanrievtti stuorát guvlui, bajit Anárjohleagis.

    Grunneier Stig Harby under befaring for Utmarksdomstolen
    Foto: FEFO
  • Gálja Nuorta-Finnmárkkus

    Nuorta-Finnmárkkus sáhttá boahtte ija šaddat issoras gálja, nu dieđiha meteorologalaš instituhta, twitteris.
    Veaigái váruhit báikkui sáhttit leat gálja, čođđolaga dihte.
    Ávžžuhit olbmuid vuodjit ja vázzit várrogasat.

    Utforkjøring ved Harrelv i Tana
    Foto: Eilif Aslaksen / NRK
  • Ohcan konsešuvnna girdišilljui

    Guovdageainnu suohkan lea ohcan áibmojohtolatbearráigeahčus konsešuvnna ásahit, jođihit ja geavahit girdišillju, mii lea birrasiid beannot kilomehtera olggobealde Guovdageainnu guovddáža. Dás čállá Altaposten.
    Mannan vahkkus sáddii áibmojohtolatbearráigeahčču ášši gulaskuddamii.
    Áibmojohtolatbearráigeahčču čállá ahte girdišillju lea jurddašuvvon leat doaimmas birra jándora ja birra jagi, muhto eanemus johtolat galggašii leat geaseáigge.

    Flystripa i Kautokeino kan bli vekket til livet igjen
    Foto: Kai Erik Bull / NRK