Ellinor Marita Jåma joatká NBR jođiheaddjin

45 jienain vuittii Ellinor Marita Jåma hástaleaddji Jan Ivvár Smuk badjel. Smuk oaččui ovcci jiena.

Ellinor Marita Jåma

Ellinor Marita Jåma joatká Norgga boazosápmelaččaiid riikasearvvi jođiheaddjin.

Foto: Dan Robert Larsen / NRK

Lávvardat eahket čađahii NBR riikkačoahkkin jođiheaddjiválggaid. 45 jienain vuittii Ellinor Marita Jåma. Su hástaleaddji Jan Ivvár Smuk oaččui ovcci jiena.

Okta delegáhtta ii jienastan ii goappáge kandidáhta

.– Mun giitán luohttámuša ovddas. Mun giitán buot NBR miellahtuid geat leat dorjon ja sádden lihkusávaldagaid. Giitán maid Smuka go hástalii mu jođiheaddjiválggas, dadjá Ellinor Marita Jåma, Ávvir áviisii.

Ii leat beahtahallan

Vuoste evttohas Jan Ivvár Smuk ii loga iežas beahtahallan.

– Mun árvidan ahte šaddá hui váttis moatti beaivvis oažžut jorggihit riikkačoahkkima, dadjá Jan Ivvár Smuk, Ávvirii.

Son sávvá lihkku Ellinor Marita Jåma viidásat bargguin.