NRK Meny
Normal

Illu ja doaivva Billávuonas

Vaikke nuoraidskuvla Billávuonas Porsáŋggu gielddas lea heaittihuvvon de buktá ođđa guolle- ja reabbávuostáiváldinrusttet ilu ja doaivaga gili boahtteáigái

Fiskebruket i Billefjord

Ovddeš guollevuostáiváldinvistti

Foto: Arne Ivar Johnsen / Nrk

Håkon Karlsen

Håkon Karlsen

Foto: Arne Ivar Johnsen / Nrk

Čakčamánu rájes sáhttet fas mearrabivdit doalvut gonagasreappáid Billávutnii. Håkon Karlsen, geas lea reabbávuostáiváldinfitnodat Reihvágis Davvinjárgga gielddas, lea oastán dán rusttega ja dál sii leat divodeamen ja ráhkkaneamen vuostáiváldit guolásteddjiid geat fargga bivdigohtet gonagasreappáid. North Cape King Crab fitnodaga jođiheaddji Håkon Karlsen lohká áigut doalvut reappáid Koreai Banak girdišillju bokte.

Nuorat fárrejit Billávutnii

Jan Sivertsen

Jan Sivertsen

Foto: Arne Ivar Johnsen / Nrk

Guolle- ja reabbábivdi Jan Sivertsen, gii ássá Billávuonas, muitala ahte olbmot dávjá fitnet geahččamin mo divodanbarggut ovdánit. Sin mielas lea buorre go ovddeš guollevuostáiváldin rusttet fas váldo geavahussi. Billávuona guvlui leat fas nuorat fárren ja soapmásat sis leat maid ostán fatnasa juoga mii muitala ahte olbmuin lea miella sajáiduvvat gilážii.

Bissojohkalaš maid ráhkkaneamen bivdui

Einar Olesn

Einar Olsen

Foto: Arne Ivar Johnsen / Nrk

Einar Olsen lea boahtán gitta Bissojogas ja dál son lea ráhkkaneamen bivdui. Einar muitala ahte dien mearddi siste heaŋgá busse man siste fas lea seakti. Go de reappát gizzot fierpmi miel bajás de dat gávdnet ráiggi man čađa besset busse sisa čilge son.