Ii oažžo bálkkašumi

Girjeárvvoštalli Marta Norheim ii jáhke sámi girječálli oaččut davvi riikkaid ráđi girjjálašvuođa bálkkašumi mii juhkko ihttin Københámmanis, Danmárkkus. Son lea lohkán buot 14 nammaduvvon girječálliid almmuhemiid. Norheim oaivvilda ahte bálkkašupmi berre geigejuvvot Danmárkku diktačállái Björn Rasmussenii, Norgga girječállái Linn Ullmannii dahje Ruoŧa Tom Malmquistii. Girjeárvvoštalli goit ge árvvoštallá Sara Margrethe Oskala diktagirjji "Savkkuhan sávrri sániid" buorre girjin, muhto diktačoakkáldat ii hástal nu olu ahte ánssaša bálkkašumi.