NRK Meny
Normal

Grand Prix-vuoitit studios

Dán jagi Sámi GP lávlonoasi vuoitiguovttos leaba guossin dán mánu Árdna. Dasa lassin biddjo prográmmas fokus sámi dáiddamuseai ja Álttá nieidajovkui

Prográmmajođiheaddji Dan Robert Larsen ráhkista sihke musihka ja dáidaga. Dat vuhtto bures dán mánu “Árdna- sámi kulturmágasiinnas”, mii sáddejuvvo NRK1s duorastaga cuoŋománu 27. beaivve diibmu 17.25. Váldoášši lea dáidaga birra, muhto guovtti eará áššis leagis sáhka musihkas.

Guovtte geardde vuoiti

Ruota beale gárasavvonlaš Johan Kitti lea golbmii oassálastán Sámi Grand Prix gilvvuide. Guktii son lea vuoitán. Beassášlávvardaga dán jagi son vuittii lávlonoasi dán árbevirolaš musihkkagilvvus ovttas oarbmeliinis, Ellen Sara Bæhr. ”Árdna – sámi kulturmágasiinnas” oainnát guktuid ja don beasat maid gullat sutno vuoitolávlaga.

- Dat mii dán jagi lea erenoamáš lea ahte Sámi Grand Prix vuoiti beassá ovddastit Sámi Eurohpá veahádatgielaid Grand Prix:s, Liet Ynternational, mii lágiduvvo Luvlieluspies golggotmánus, deattuha Larsen.

Sámi dáiddamusea

Sámi dáiddabiras lea jo 25 jagi dovddahan dárbbu sierra sámi dáiddamuseai. Dákkár rusttegii livččii stuorra dárbu. Dáiddabiras hálidivččii rusttega mas sáhtášii sihke čájehit ja vurkkodit dáidaga dohkálaš čuovga- ja áibmodilálašvuođain. Dál leat Sámiid Vuorká-Dávvirat Kárášjogas kártegoahtán ođđa rusttega mii galggašii šaddat sullii 1000 m2.

#?-:nbsp;

Sámiid Vuorká-Dávviriid konserváhtor hálidivččii áibbas ođđa sámi dáiddamusea

#?-:nbsp;

Vai áddešeimmet mii gáibiduvvo dákkár dáiddamuseas leaba govvejeaddji Dragan Čubrilo ja doaimmaheaddji Dan Robert Larsen finadan Našonálagalleriijas Oslos. Oanehis čájehallanmátki doppe galggašii muitalit manne dákkár dáiddamuseai livččii dárbu.

Álttá nieidajoavku

Árdna-joavkku suohttaseammos bargu vássán mánu lea eahpitkeahttá leamaš ráhkadit bihtá Álttá nieidajoavkku “Cyanide” birra. Bihtás deaivat golbma logát-luohkálačča go leat hárjehallamin Nuoraid dálus, ja go čuojahit Guovdageainnus. Jearahallamis vuige lávlu Hanna Reinsnes Moen, ahte son máttadážaide álo muitala ahte son lea sápmelaš. Duohtaságas son hálidivččii leat “ollesáigge” sápmelaš. Joavkku guokte eará lahtu, Ida Iki ja Elin Boland, lohkaba ahte soaihan maid hálidivččiiga leat sápmelaččat.

#?-:nbsp;

Álttá nieidajoavkku Cyanide lahtut juiget imašlaš guoli birra

#?-:nbsp;

Sápmelaš dahje eai, dán geasi mannet nieiddat studioi ráhkadit iežaset vuosttaš CD-skearru. Doppe gullat earret eará lávlaga mas lea mahkáš-luohti čuvgerukses golleguoli “Gunnar Leif” birra. Dát duotna han givssiduvvo go lea earálágán go earát ja iige máhte vuodjat.

Geahča prográmma dás: Árdna 27.04.06

#?-:nbsp;

#?-:nbsp;