40 jagi maŋŋel Áltá-stuimmiid lea politihkka ain guovddážis sámi dáidagis.
Ella Marie Hætta Isaksen ja Sajje Solbakk bovdiiga multidáiddár Elle Márjá Eira ságastallat dán fáttá birra maŋemuš oasis Gozuid Alde nuppi sesongas.
Geahča olles oasi vuollelis.
– Uvssat leat rahpasan sámi filmmaide
Gozuid Alde digaštallama álggahuvvui sámi filmmaid birra Romssa Internationála Filbmafestiválas.
Guossin lei multidáiddár Elle Márjá Eira gii lea ráhkadeamen vuosttaš Netflix filbma mas lea sámi motiivva.
GUOSSI: Multidáiddár Elle Márjá Eira lea guossin otná Gozuid Alde episodas. Son lea geavahan iežas duogáža filmmaid čađa ja musihkka bokte.
Foto: Marie Louise Somby / Árvu– Leat deaivan uvssat mat leat leamašan gitta, nugo Norgga Filbmainstituhtas. Doppe leat dáččat geat mearridit makkár muitalusat galget muitaluvvot ja eai álo ádde min višuvnnaid, lohká Elle Márjá Eira.
Dál oaidná filbmadahkki ahte uvssat leat rahpamin.
– Juohke filbmapremieara rahpá uvssaid, dadjá Elle Márjá Eira.
– Áiggošin muhto in veaje
Vaikko áiggit leat gal rievdan Álttá-stuimmiid rájes, de digaštallet Gozuid Alde-podkásttas dan ahte leago sullasaš rahčan odne go mii dalle lei.
– Lean máŋgii hupman ahte lea earálágan vuohki go ovdal. Háliidan veahkkin doarjut eará orohagaid muhto in veaje go ferten fokuseret iežamet áššiid, lohká Elle Márjá Eira.
Ella Marie Hætta Isaksen ges háliidivččii eambbosiid áŋgiruššat.
Ella Marie Hætta Isaksen háliidivččii eambbosat veahkkin ja doarjagin áŋgiruššat sámi áššiin.
Foto: June Grønnvoll Bjørnback / NRK– Vásihan ahte sápmelaččat leat leavvan hui máŋga ášši. Oainnán ahte Álttá-áššis ledje hui ollugat bidjan visot návccaid dasa. Mun maid áiggošin ahte mii nagodat mobiliseret diekkár ášši otná beaivve, lohká Hætta Isaksen.
Politihkalaš eallin
Fáddán podkástta-oasis lei ahte sámi dáidda lea dávjá politihkalaš, dahjege dulkojuvvo politihkalažžan.
– Nu guhká go válljet leat almmolaš, čeavlái dahje rámis de lea politihkalaš dáhkku, dadjá Hætta Isaksen.
– Ieš dieđán man ollu ražan go čálán musihkka. Dieđusge ferten čállit politihkalaš rahčamušaid birra dahje dehálaš áššiid birra, iige iežan irggi birra, dadjá Ella Marie.
Foto: THOR DUE / THOR DUEElle Márjá Eira oaidná ahte olaha earáláhkái dáidaga bokte.
– Háliidan muitalit dáidaga bokte. Muhto šaddá politihkalaš go min eallin han lea nu, dadjá Eira.
Artistta guoktá dadjaba ahte dárbbašat sihke dáiddáriid ja politihkkariid, ja ahte galggašii veahkkelágat bargat.
– Mii váikkuhat iešguđetge láhkai. Dainna mii gullot, dadjá Isaksen Hætta.