Gielladutki nammaduvvon dán jagáš Wikipedia-geavaheaddjin
Gielladutki Trond Trosterud Romssa universitehtas lea nammaduvvon dán jagáš Wikipediana-geavaheaddjin. Trosterud lea 2005 rájes čállán artihkkaliid sihke davvisámegillii, girjedárogillii ja ođđadárogillii friddja diehtosátnegirjái Wikipediai.
– Trond Trosterud lea riggodahttán Wikipedia go lea čállán ollu artihkkaliid gielaid birra, erenoamážit urálalaš gielaid birra, dadjá Wikimedia Norgga stivrrajođiheaddji Marie Nicolaisen preassadieđáhusas.
Trond Trosterud lea maid stuorra veahkki riikkaidgaskasaš barggus. Dál son lea mielde prošeavttas gos barget álkidahttit minoritehtagielaide divodit čállosiid Wikipedias, muitala Nicolaisen.