Galle, moadde, máŋga
Jearaldatlohkosátni galle ja sullalogut moadde ja máŋga sojahuvvojit ja geavahuvvojit seamma njuolggadusaid mielde go guokte, golbma jna. sihke oaivesátnin ja attribuhttan:
Ovttaidlogus:
1) Galliin biillain manne dohko?
2) Gallii finai din geahčen?
3) Doppe leat moadde olbmo.
4) Moadde gal leat musge.
5) Son finai doppe máŋgga geardde.
6) Dat diehtá máŋga.
Máŋggaidlogus:
7) Galliid sabehiid don dárbbašat dán dálvvi?
8) Mottiid molssabuvssaid gal dárbbašat.
9) Dáid beassážiid leat máŋggat heajat.
Eanet lohkamuš: Konrad Nielsena sátnegirjjit, Klaus P. Nickela Samisk grammatikk-girji ja eará giellaoahppagirjjit.
