Hopp til innhold

Fylkkamánni vuorjašuvvá

Tromssa fylkkamánni, Bård Pedersen vuorjašuvvá stuorra goaskinvahágiin boazoealáhusas, ja dáhtošii dál doaibmaplána goaskima hárrái. Guorahallamiin boahtá ovdan ahte Tromssa boazoealáhusas fertešii leat birrasiid 400 heaggásaš giđđaeallu jus galggašii nagodit buvttadit seamma olu go 100 heaggásaš čora Mátta-Trøndelágas dahje Hedemárkkus.

Korte nyheter

  • Filbmadahkki giitala sámi ovttasbargoguimmiid

    Filbmadahkki Henrik Martin Dahlsbakken lea giitevaš dan veahkis, maid oaččui sámi ovttasbargoguimmiin soaiggusfilmma «Forbannelsen» ráhkadettiin.

    Filmmas lea vuosttaščájálmas odne.

    – Guovllu ja báikkálaš návccat Rossen-guovllus ja sámi biras, leat dahkan árvvolaš barggu. Sii veahkehan sihke gávttiiguin, statisttaiguin ja neavttáriiguin. Máŋga neavttára hállet maid máttasámegiela, čilge Dahlsbakken NRKii.

  • Čájehit bihttá «Jo Blank»

    Sámi Našunálateáhter Beaivváš čájeha lávvardaga guossebihttá «Jo Blank» Guovdageainnus. Bihttá lea romes Jo Blanka ja su eallima birra. Son šaddá hástalusaid sisa go earát álget mearridit gii ja mii son gálgá leat. Lea vaši, iežas vašuheami, oktonasvuođa ja ráhkisvuođa birra. Ellisiv Lindkvist lea čállán dán monologa, maid Mette Brantzeg lea bagadallan ja Anitta Suikkari neaktá. Vega lávdi lea ovttasbargoásahus Sámi Našunálateáhterii ja Vårscenefestii.

    Jo Blank bihttá Sámi Našunálateáhter Beaivvážis.
    Foto: Aslak Mikal Mienna / Sámi Našunálateáhter Beaivváš
  • Buohcceviesuide lassi ruhta

    Ráđđehus evttoha juolludit buohcceviesuide oktiibuot 2,7 miljárdda kruvnna eanet boahtte jagi. Guokte miljárdda kruvnno juolluduvvo doaimmaid lasiheapmái, 700 miljovnna kruvnnain fas lasihit vuođđoruhtadeami. Beannot čuohte miljovnna kruvnna juolluduvvo psyhkalaš dearvvašvuođa jándordikšosajiid lasiheapmái. – Gáržžes bušeahtas lea mávssolaš ain vuoruhit buohcceviesuid, dadjá dearvvašvuođa- ja fuolahanministtar Ingvild Kjerkol.

    ARKIV: Hamar sykehus