Elise Lodde lei máŋggasuorggat dáiddár. Son málii govaid, gođii, čulddii ja dearppaid stovllaiguin ránuid. Dál leat su dáidagat maŋimuš heave čohkkejuvvon čájáhussii. Ledjege su mánát ja mánáidmánát geat dahtto fulkkiid lágidit čájáhusa, danne go Elise dálus gávdne badjel 90 dáidaga maid son lei gárvvistan.
Čohkkejuvvon vuovdit
Elise Lodde maŋimuš dáidagat leat dál čohkkejuvvon vuovdinčájáhussii. Čájáhus rahpui njukčamánu álggus ja bistá gitta cuoŋománu 16. beaivái. Grenselandsmuseas lea vejolas fitnat geahčadeamen su dáidagiid.
Erenoamáš muoŧŧá
Elise Lodde muoŧŧala Reidun Vælidalu dat dahto Elise maŋisboahtit lágidit vuovdinčájáhusa. Reidun muitalage muoŧás lean erenoamáš olmmožin. Son lei álo buori mielas, doppe gos Elise lei, doppe lei mokta. - Son lei dego ealli silba. Nu govahallá Reidun Vælidalu muoŧŧá-rohkes.
Dáiddárin eallenagi
Reidun Vælidalu muitala muoŧás álo bargan dáiddárin. Nuorran son duddjui olu, muhto dáđistaga álggii son njuohtat govaid, čuoldit ja gođđit seaidneránuid stovllaiguin. Vælidálu ii riekta dieđe goas Elise njuođai, go hárve son oinnii su njuohtamin govaid. Son lea gal gullan ahte died bargguid dagai álo arrat iđđedis, dalle go beaivváš badjánii. Dalle son liikui bargat, go iđđedis lei dávjá erenoamaš čuovga, muitala Elise muoŧŧal,Reidun Vælidalu.
Elise Lodde čálii maid divttaid, muhto dušše ovtta lea almmuhan, Ságat aviissas. Divtta gohčodii "Gievrrat go soaját"
Geahččalin girdilit. Girdilit ruohttasiin báhtui. Gádden ahte soaját dat eai guotte. Vaikke ruohttasat leamaš lean nannosat Čiekŋalasas váimmustan ledje návccat, mat mus leamaš lean gievrrat go soaját.
Elise Loddes leat leamaš dáiddačájáhusat maiddái olgoriikkas.son jođašii maid oahppomátkiin Pariissas, Ostendes Belgias ja Gøteborggas. Vaikke sus ii lean erenoamaš alitoahppu, de lei son dattege erenoamaš, máŋggasuorggat dáiddár.
